पोलिसांनी सांगितले, फिर्यादी दत्ता रमेश कदम (३२ रा. राजीव नगर, बाभळगाव रोड, लातूर) यांचा भाऊ गणेश रमेश कदम (२२) आणि संयम प्रीतम गटागट (२२ रा. हत्तेनगर, लातूर) यांच्यामध्ये मोबाईलवरून बाचाबाची झाली. यातून शिवीगाळही करण्यात आली. दरम्यान, हा वाद टोकाला गेला आणि संयम प्रीतम गटागट याने गणेश कदम याच्या पाठीत चाकूने भोसकले. यामध्ये गंभीर जखमी झालेल्या गणेशला उपचारासाठी रुग्णालयात दाखल करण्यात आले. तेथील डाॅक्टरांनी मृत घोषित केले. सदरची घटना सोमवारी रात्री १०.३० वाजण्याच्या सुमारास हत्ते चौकात घडली.
याबाबत गांधी चौक पोलीस ठाण्यात दिलेल्या तक्रारीनुसार गुरनं. १२७ /२०२१ कलम ३०२ भादंवि आणि ॲट्राॅसिटी कायद्यान्वये मंगळवारी गुन्हा दाखल करण्यात आला आहे. आरोपीला पोलिसांनी तातडीने अटक केली आहे. अधिक तपास लातूर शहर उपविभागीय पोलीस अधिकारी जितेंद्र जगदाळे करीत आहेत.