भरधाव कारच्या धडकेत मोपेडस्वार जागीच ठार
By लोकमत न्यूज नेटवर्क | Published: March 8, 2021 12:53 PM2021-03-08T12:53:03+5:302021-03-08T12:53:51+5:30
A moped rider was killed in Accident नांदगावपाटी नजिक कार व मोपेडची समोरासमोर जोरात धडक झाली.
चाकूर ( लातूर ) : भरधाव कारने मोपेडला जोरदार धडक दिल्याने मोपेडस्वार जागीच ठार झाल्याची घटना सोमवारी सकाळी १० वाजेच्या सुमारास तालुक्यातील नांदगावपाटी नजिक घडली. गोविंद निवृत्ती भदाडे (३८) असे मृताचे नाव आहे.
तालुक्यातील लातूररोड येथील गोविंद निवृत्ती भदाडे हा मोपेडवरुन ( एम.एच.१४ जे.के. १२४७ ) चाकूरकडे येत होता. याच दरम्यान कार ( क्र एम.एच. २६ बी.क्यू.९९९९ ) नांदेडहून लातूरकडे भरधाव वेगात येत होती. नांदगावपाटी नजिक कार व मोपेडची समोरासमोर जोरात धडक झाली. यात गोविंद भदाडे हा जागीच ठार झाला.
अपघाताची माहिती मिळताच राष्ट्रीय महामार्गाचे सहायक पोलिस उपनिरिक्षक हरिदास उळागड्डे, पोहेकॉ दत्तात्रय गिरी, नितिन चव्हाण, राहूल गव्हाणे हे घटनास्थळी दाखल झाले. त्यांनी तत्काळ वाहतूक सुरळीत केली. चाकूर पोलिस ठाण्याचे पोलिस निरिक्षक सोपान सिरसाट,सपोनि संदीप कामत, पोहेकॉ भागवत मामडगे, सुशांत दिवटे हेही घटनास्थळी दाखल झाले. त्यांनी उत्तरणीय तपासणीसाठी गोविंद भदाडे याचा मृतदेह प्राथमिक आरोग्य केंद्र नळेगाव येथे पाठवला आहे.
गोविंद भादडे हा पुणे येथे खाजगी काम करत होता. तो पुण्याहून मोपेडवरुन गावाकडे येत असल्याची माहिती आहे. त्याच्या पश्चात आई, भाऊ, पत्नी, एक मुलगा व एक मुलगी असा परिवार आहे.