Latest Marathi News

NCP SP MP Supriya Sule Car Accident News: राष्ट्रवादी काँग्रेस शरद पवार गटाच्या खासदार सुप्रिया सुळे यांच्याबाबत एक मोठी माहिती समोर येत आहे. सुप्रिया सुळे यांच्या कारला अपघात झाल्याचे समजते. मुंबई आणि पुणे द्रुतगती मार्गावर हा अपघात झाला असून, सुदैवाने या कारमधून प्रवास करणाऱ्या कोणालाही इजा झालेली नाही. सर्व जण सुखरूप असल्याची म्हटले जात आहे. अलीकडेच उपमुख्यमंत्री एकनाथ शिंदे यांचे हेलिकॉप्टर भरकटले होते. एकनाथ शिंदे कुटुंबातील एका कार्यक्रमासाठी मुंबईहून मुरबाड येथे जाणार होते. मात्र हेलिकॉप्टरच्या पायलटने वेळीच प्रसंगावधान दाखविल्याने ते वळवून जुहू पवनहंस येथे आणून त्याचे यशस्वीपणे लँडिंग करण्यात आले. या घटनेत कुणालाही कोणतीही इजा झाली. यानंतर आता लगेचच सुप्रिया सुळे यांच्या अपघाताची माहिती समोर येत आहे.खासदार सुप्रिया सुळे यांच्या कारला अपघातखासदार सुप्रिया सुळे यांनी स्वतः एक्सवर एक पोस्ट करत या अपघाताबाबत माहिती दिली आहे. पुणे ते मुंबई प्रवास करत असताना, महामार्गावर मला एक अत्यंत वाईट अनुभव आला; एका बेपर्वा चालकामुळे एका कारची माझ्या कारच्या बाजूला जोरदार धडक बसली. सुदैवाने, सर्वजण सुखरूप आहेत. अशा घटना एक गंभीर आठवण करून देतात की, आपल्या रस्त्यांवर होणारा अतिवेग आणि निष्काळजीपणा यामुळे असंख्य जीवांना धोका निर्माण होऊ शकतो. मी प्रत्येकाला आवाहन करतो की, त्यांनी सीट बेल्ट वापरावेत, सावध राहावे आणि जबाबदारीने वाहन चालवावे; जेणेकरून आपले महामार्ग सर्वांसाठी अधिक सुरक्षित बनतील, असे सुप्रिया सुळे यांनी एक्स पोस्टमध्ये म्हटले आहे. या अपघातात सुप्रिया सुळे यांच्या गाडीचे थोडे नुकसान झाल्याची माहिती समोर आली आहे.दरम्यान, नुकतेच मुंबई पुणे द्रुतगती महामार्गावरील कनेक्ट लिंकचे लोकार्पण करण्यात आले आहे. मुंबई पुणे महामार्गावर अनेक अपघात झाले आहेत आणि अद्यापही होताना पाहायला मिळत आहेत. यात मोठी जीवितहानी झालेली पाहायला मिळालेली आहे. असे अपघात हे वाहतुकीचे नियम न पाळल्यामुळे होत असतात. अनेक रत्ने या महामार्गावरील अपघातामुळे महाराष्ट्राने गमावलेली आहेत.

'सुमारे 60 ते 62 गुन्हे न्यायप्रविष्ट आहेत, तर 80 गुन्ह्यांबाबत विभागीय समितीचा अहवाल आवश्यक आहे.' ...

Nashik Ring Road : प्रस्तावित ६६.१५ किलोमीटर लांबीच्या वर्तुळाकार मार्ग प्रकल्पाला आता प्रत्यक्ष गती मिळताना दिसत आहे. ...

US-Iran-Israel: अमेरिका आणि इराणमध्ये 21 तास चाललेल्या बैठकीकडे अवघ्या जगाचे लक्ष लागून होते. ...

धावांचा पाठलाग करताना गुजरात टायटन्सच्या संघाने ७ विकेट्स आणि ८ चेंडू राखून विजय निश्चित केला. ...

९९% लोक याकडे दुर्लक्ष करतात, मात्र हाच कोड तुमच्या फोनची आणि तुमची सुरक्षा ठरवत असतो. ...

बाजारात मिळणारे प्रत्येक खरबूज गोड आणि रसरशीत असेलच असे नाही. त्यामुळे योग्य फळ निवडण्यासाठी काही खास टिप्लस... ...