निपाणी : गांजा विक्री करण्यासाठी निघालेल्या दोघांना निपाणी पोलिसांनी बुधवारी रंगेहात पकडले. सोहेल शब्बीर देसाई (वय 26) रा. बादलवाले प्लॉट) व हमीद सलीम शेख (वय 21, शिवाजीनगर, निपाणी) अशी अटक केलेल्यांची नावे आहेत.
{{#config.logo.enabled}}
{{/allowed}}निपाणी येथील दोन युवक गांजा विक्रीसाठी यरणाळकडे जाणार असल्याची माहिती पोलिसांना मिळाली होती. त्यानुसार पोलिसांनी सापळा रचून संशयितांना ताब्यात घेतले. यावेळी त्यांच्याकडे दोन किलो गांजा आढळून आला. निपाणी शहर पोलीस स्थानकात घटनेची नोंद झाली आहे. मंडळ पोलीस निरीक्षक संगमेश्वर शिवयोगी, पोलीस उपनिरीक्षक कृष्णवेनी गर्ल होसूर यांच्या मार्गदर्शनाखाली शेखर असोदे, उदय कांबळे, बसवराज नावी यांच्यासह कर्मचाऱ्यांनी कारवाईत भाग घेतला. यावेळी तहसीलदार डॉ. मोहन भस्मे, ए. एस. माळी उपस्थित होते.