संभाजीराजेंच्या आंदोलनाच्या भूमिकेस पाठिंबा

खासदार संभाजीराजे यांनी मराठा आरक्षणासाठी राज्याच्या ३६ जिल्ह्यांमध्ये होणाऱ्या मोर्चाची सुरुवात कोल्हापुरातून करण्याचे जाहीर केले आहे. यासाठी कोल्हापुरातील मराठा बांधवांनी त्या दिवशी हातातील सर्व कामे बाजूला ठेवून मोर्चात सहभागी व्हावे. संभाजीराजे जी जबाबदारी समितीवर देतील ती परिपूर्ण करण्याची ग्वाही ही यानिमित्त पत्रकाद्वारे देण्यात आली. यापूर्वी समितीने मराठा आरक्षणाबाबत विशेष अधिवेशन बोलविण्याची मागणी शासनाला केली होती. तीच मागणी सातारचे खासदार छत्रपती उदयनराजे भोसले यांनीही केली आहे. त्यांच्यामुळे आमच्या मागणीला हत्तीचे बळ प्राप्त झाले आहे. या पत्रकावर पश्चिम महाराष्ट्र देवस्थान समितीचे माजी अध्यक्ष महेश जाधव, सुजित चव्हाण,दिलीप देसाई, ॲड. बाबा इंदुलकर, निवास साळोखे, अजित राऊत, जयकुमार शिंदे, श्रीकांत भोसले, शरद नागवेकर, सुरेश जरग यांच्या सह्या आहेत.