रुई ग्रामपंचायत कर्मचाऱ्यास मारहाण

सुनील चव्हाण हा ग्रामपंचायतीकडील कचरा टाटा एस टेंपो (नं. एम. एच. ०९, ई. एल. ३२०५) तून विहिरीत टाकून परत येत असताना संजय चौगुले व एक अनोळखी व्यक्ती या दोघांनी त्याला वाटेत अडविले व टेंपोतून बाहेर ओढून शिवीगाळ करीत लाथाबुक्क्यांनी मारहाण केली व टेंपोची पुढील काच हाताने व खुरप्याने फोडून दरवाजा वाकवून टेंपोचे सुमारे १० हजार रुपयांचे नुकसान केले अशी फिर्याद सुनील चव्हाण यांनी हातकणंगले पोलिसांत दिली आहे. याबाबत पोलिसांनी संजय चौगुले व एक अनोळखी व्यक्ती या दोघांच्या विरोधात गुन्हा दाखल केला आहे.