‘मगदूम’ अभियांत्रिकीच्या विद्यार्थ्यांना दहा सुवर्णपदके

आंतरविभागीय स्पर्धा नाशिक येथे, तर अश्वमेघ स्पर्धा औरंगाबाद येथे पार पडल्या.

जयसिंगपूर : येथील डॉ. जे. जे. मगदूम अभियांत्रिकी महाविद्यालयांतर्गत असलेल्या यशवंतराव चव्हाण महाराष्ट्र मुक्त विद्यापीठ अभ्यास केंद्रातील विद्यार्थ्यांनी नाशिक येथे झालेल्या विद्यापीठांतर्गत आंतरविभागीय क्रीडा स्पर्धेत विविध प्रकारात तब्बल दहा सुवर्णपदके, तर दोन रौप्यपदके पटकाविली. तसेच दोन विद्यार्थ्यांची अश्वमेघ स्पर्धेसाठी विद्यापीठाच्या संघात निवड झाली. आंतरविभागीय स्पर्धा नाशिक येथे, तर अश्वमेघ स्पर्धा औरंगाबाद येथे पार पडल्या. यशस्वी खेळाडूंचा सत्कार संस्थेचे अध्यक्ष विजय मगदूम, उपाध्यक्षा अ‍ॅड. सोनाली मगदूम यांच्या हस्ते करण्यात आला. प्राचार्य एस. जे. रायण्णावर, उपप्राचार्य एस. जी. वडगावे, ए. बी. यादव, संदीप चौगुले, विकास माणकापुरे, निखिल लंगोटे उपस्थित होते. यशस्वी विद्यार्थी असे - नवज्योत वडर - थाळीफेक, गोळाफेकमध्ये सुवर्ण, मिनल बंडगर - थाळीफेक सुवर्ण, गोळाफेक रौप्य, स्वाती पाटील - ४०० मी. धावणे सुवर्ण, लांबउडी सुवर्ण, ४ बाय १०० धावणे सुवर्ण, अश्विनी शेलार - २०० मी. धावणे, ४ बाय १०० धावणे सुवर्ण, १०० मी. धावणे रौप्य, तनुजा पाटील - १५०० मी. धावणे सुवर्ण, अजय सावंत याची कबड्डी स्पर्धेसाठी विद्यापीठ संघात कर्णधारपदी निवड झाली आहे. (प्रतिनिधी)