जयसिंगपूर : येथील नगरपालिका व महिला बालकल्याण समिती यांच्यावतीने मकर संक्रांतीचे औचित्य साधून विविध कार्यक्रम पार पडले. यावेळी वीर पत्नींचा सत्कार करण्यात आला, तर मैत्री तुझी माझी ही स्पर्धा घेण्यात आली.
पालिकेच्या राजर्षी शाहू खुले नाट्यगृहात हा कार्यक्रम कोविडचे नियम पाळून पार पडला. प्रारंभी स्वागत महिला बालकल्याण समिती सभापती आसावरी आडके यांनी केले. यावेळी वीर पत्नी शकुंतला पाटील यांचा सत्कार करण्यात आला, तर महिलांसाठी मैत्री तुझी माझी ही स्पर्धा घेण्यात आली. यामध्ये सुनीता पाटील, अर्चिता गिड्ड प्रथम, सुप्रभा उपाध्ये, सायली उपाध्ये द्वितीय, प्रगती काकडे व सामा व्होरा यांनी तृतीय क्रमांक पटकाविला. प्रा. सुनंदा शेळके यांनी परीक्षक म्हणून काम पाहिले. ऋणानुबंध ग्रुपच्यावतीने देशभक्तीपर नृत्य सादर करण्यात आले. सूत्रसंचालन डॉ. स्नेहल कुलकर्णी यांनी केले. यावेळी अॅड. सोनाली मगदूम यांनी मनोगत व्यक्त केले.
कार्यक्रमास अनुराधा आडके, रेखा देशमुख, सुलक्षणा कांबळे, प्रेमला मुरगुंडे, मुक्ता वगरे, कलगुटगी यांच्यासह महिला उपस्थित होत्या. स्वरूपा पाटील-यड्रावकर यांनी आभार मानले.
फोटो - १८०२२०२१-जेएवाय-०१
फोटो ओळ - जयसिंगपूर नगरपालिकेत वीर पत्नींचा सत्कार करण्यात आला. यावेळी आसावरी आडके, अनुराधा आडके, रेखा देशमुख, स्वरूपा पाटील-यड्रावकर, अॅड. सोनाली मगदूम यांच्यासह महिला उपस्थित होत्या.