शेतकऱ्याच्या मृत्युप्रकरणी भावासह पुतण्यावर गुन्हा

कोल्हापूर : आडूर (ता. करवीर) येथे शेतीच्या वादातून यशवंत भोसले यांच्या मृत्यूस कारणीभूत ठरल्याप्रकरणी त्यांच्या सख्ख्या भावासह पुतण्यावर करवीर पोलिसात मनुष्यवधाचा गुन्हा नोंद झाला. विलास केशव भोसले व अतुल भोसले अशी त्या संशयितांची नावे आहेत.

पोलिसांनी दिलेली माहिती अशी, आडूर येथे शेतजमिनीच्या हद्दीवरून यशवंत भोसले व त्याचा भाऊ विलास भोसले यांच्यात वाद होता. यातूनच शनिवारी यशवंत यांना त्यांचा भाऊ संशयित विलास व पुतण्या अतुल भोसले यांनी चिव्याने व लाथा-बुक्‍क्यांनी मारहाण केली. यात यशवंत भोसले हे खाली कोसळले. त्यांना उपचारासाठी रुग्णालयात नेताना त्यांचा मृत्यू झाल्याची फिर्याद सागर यशवंत भोसले यांनी दिली. त्यानुसार संशयित विलास व अतुल या दोघांवर करवीर पोलिसात गुन्हा दाखल झाला.