विलास नेरकरांवर निलंबनाची कारवाई

ग. स. सोसायटीचे तत्कालीन अध्यक्ष मनोज पाटील यांच्या फिर्यादीनुसार विलास नरेकर हे माजी अध्यक्ष असताना तत्कालीन व्यवस्थापक संजय ठाकरे यांनी संगनमत करून ग. स. सोसायटीचे लिपिक विजय पाटील यांच्या नियमित वेतनश्रेणीच्या आदेशावर नेरकर अध्यक्ष नसतानासुद्धा सही करून स्वत:च्या फायद्यासाठी बनावट आदेश करून त्याचा वापर करण्यात आला आहे. अशा फिर्यादीवरून नेरकर यांच्यावर जळगाव शहर पोलीस ठाण्यात विविध कलमांन्वये गुन्हा दाखल करण्यात आला होता. त्या अनुषंगाने प्राथमिक शिक्षणाधिकारी यांनी याबाबत गटविकास अधिकाऱ्यांना चौकशी करून कारवाईचा अहवाल सादर करण्याचे आदेश दिले होते. त्यानुसार विलास नेरकर यांची वर्तणूक ही जिल्हा परिषद जिल्हा सेवामधील नियमांचा भंग करणारी असून, ते शिक्षेस पात्र आहे, त्यांना ९ फेब्रवारीपासून निलंबित करण्यात येत आहे, त्यांचे वेतन अदा करण्यात येऊ नये, असे आदेश भडगावचे गटविकास अधिकारी रमेश वाघ यांनी दिले आहे. या दरम्यान, नेरकर यांचे मुख्यालय भडगाव पंचायत समिती राहणार असल्याचेही आदेशात नमूद करण्यात आले आहे.