जळगाव : रोटरी क्लब ऑफ जळगाव गोल्डसिटीच्या अध्यक्षपदी उमंग मेहता यांची तर मानद सचिवपदी डॉ. नीरज अग्रवाल यांची निवड करण्यात आली आहे. नुकतीच ही नूतन कार्यकारिणी जाहीर करण्यात आली आहे.
उमंग मेहता हे रोटरीत ३२ वर्षांपासून सक्रिय असून त्यांनी यापूर्वी मानद सचिव, कोषाध्यक्ष, अध्यक्ष अशी पदे भूषविली आहेत. रोटरीच्या इंटरनॅशनल युथ एक्सचेंज (आयवायई) या उपक्रमाचे गेल्या सहा वर्षांपासून मेहता समन्वयक आहेत. शेअर ब्रोकर व म्युच्युअल फंड सल्लागार म्हणून ते कार्यरत आहेत. रोटरी गोल्डसिटीचे नूतन अध्यक्ष म्हणून उमंग मेहता यांची निवड झाली आहे. तसेच मानद सचिव डॉ. नीरज अग्रवाल हे दंतरोग तज्ञ असून गेल्या ५ वर्षांपासून रोटरीत कार्यरत आहेत. त्यांनी विविध कमिट्यांची जबाबदारी सांभाळली आहे.
अशी आहे नूतन कार्यकारिणीची घोषणा
नुतन कार्यकारिणीत कोषाध्यक्ष अमोल असावा, आयपीपी विनायक बाल्दी, सार्जंट विनय बन्सल, तर कार्यकारिणी सदस्य म्हणून यश रावलानी, प्रशांत कोठारी, डॉ. सूर्यकिरण वाघण्णा, उज्ज्वल कोठारी, राकेश सोनी, मोईज लहेरी, तुषार जाखेटे, नंदू अडवाणी, सतीष मंडोरा, नीलेश जैन, प्रखर मेहता आदींचा समावेश आहे.