{{#config.logo.enabled}}
{{/allowed}}नंदुरबार :सालदाराशी वाद घालणार्यांना समजविण्यास गेलेल्या एकास सहा जणांनी बेदम मारहाण करून ठार केल्याची घटना कुढावद, ता.शहादा येथे घडली. याप्रकरणी सहा जणांविरुद्ध खुनाचा गुन्हा दाखल करण्यात आला आहे. या घटनेमुळे गावात खळबळ उडाली आहे.
पोलीस सूत्रांनुसार, कुढावद येथील महादू धर्मा चौधरी हे भिका चौधरी यांच्या शेतात कामास असलेल्या सालदाराशी वाद घालत होते. शिवीगाळ करून मारण्याची धमकी देत होते. त्यावेळी भिका चौधरी यांचा मुलगा अर्जुन हा त्या ठिकाणी गेला. त्याने सालदाराशी नेहमीच का वाद घालतात असे विचारले. त्यावरून दोघांमध्ये वादविवाद झाला. वादाचे पर्यवसान मारहाणीत झाले.
महादू धर्मा चौधरी याने इतरांना बोलावले, त्यानुसार प्रकाश धर्मा चौधरी, किसन धर्मा चौधरी, बापू धर्मा चौधरी, धर्मा काशिराम चौधरी, शांताबाई धर्मा चौधरी सर्व रा.कुढावद यांनी एकत्र येऊन अर्जुन भिका चौधरी यास हाथाबुक्क्यांनी बेदम मारहाण केली. गुप्तइंद्रियाजवळ लाथ मारल्याने तो घाव वर्मी लागला. त्यातच अर्जुन चौधरी याचा मृत्यू झाला.
याबाबत भीमसिंग भिका चौधरी यांच्या फिर्यादीवरून सहा जणांविरुद्ध खुनाचा गुन्हा दाखल करण्यात आला आहे. तपास पोलीस निरीक्षक खरे करीत आहे.
दरम्यान, या घटनेमुळे खळबळ उडाली आहे. संशयितांना गुरुवारी दुपारी अटक करण्यात आली. त्यांना न्यायालयात उभे करण्यात येणार आहे.
￭ सहा जणांनी मिळून अर्जुन चौधरी यांना बेदम मारहाण केली. या मारहाणीत त्यांच्या गुप्तांगाला जबर मार लागला. त्यातच त्यांचा मृत्यू झाला. सहाही जणांना सकाळी म्हसावद पोलिसांनी अटक केली आहे. घटनेमुळे गावात खळबळ उडाली आहे.