रस्त्याची दुरुस्ती करा
जळगाव : रस्त्यांची मोठ्या प्रमाणात दुरवस्था झाल्याने वाहनधारक त्रस्त झाले आहेत. चित्रा चौकाकडून बोहरी गल्लीकडे जात असताना सुरुवातीपासूनच रस्ते खराब आहे. खोदकामानंतर त्यांचे व्यवस्थित काम झालेले नाही.
कसरत कायम
जळगाव : जिल्हा परिषदेत जाण्यासाठीच्या रस्त्यावर अगदी मधोमध वाहने उभी राहत असल्याने ही वाट अधिकच बिकट झाली आहे. याकडे कुणीतरी लक्ष देऊन किमान जि. प. कर्मचाऱ्यांचा रस्ता सुरळीत होईल, याची व्यवस्था व्हावी, अशी मागणी होत आहे. या ठिकाणी अपघाताची शक्यता आहे.
साचलेल्या पाण्याने वाहनधारक त्रस्त
जळगाव : रस्त्यांची दुरवस्था झाल्याने पाणी साचत आहे. त्यात गिरणा टाकी परिसरात वाहनधारकांना अधिकच त्रास सहन करावा लागत आहे.
कापसाला जीवदान
जळगाव : दोन दिवस झालेल्या पावसामुळे कापसाला जीवदान मिळाले आहे. जिल्ह्यात पाठ फिरविलेल्या पावसाची प्रतीक्षा शेतकऱ्यांना होती. पावसाच्या आगमणाने शेतकरी सुखावला आहे.