इराणसोबतच्यायुद्धाच्या रणधुमाळीत ट्रम्प प्रशासनाने अमेरिकन लष्करी नेतृत्वात मोठी 'सर्जिकल स्ट्राईक' केली आहे. संरक्षण मंत्री पीट हेगसेथ यांनी आर्मी चीफ जनरल रँडी जॉर्ज यांच्यानंतर आता आणखी दोन वरिष्ठ जनरलना पदावरून हटवण्याचा निर्णय घेतला आहे. दुसरीकडे, इराणसोबतच्या करारावरून राष्ट्राध्यक्ष डोनाल्ड ट्रम्प यांनी उपराष्ट्राध्यक्ष जेडी वेन्स यांची फिरकी घेतल्याने राजकीय वर्तुळात चर्चा रंगली आहे.
मिळालेल्या माहितीनुसार, रँडी जॉर्ज यांच्यासोबतच खालील दोन वरिष्ठ अधिकाऱ्यांना नारळ देण्यात आला आहे. चीफ ऑफ आर्मी ट्रान्सफॉर्मेशन अँड ट्रेनिंग कमांड जनरल डेव्हिड होडने, चीफ ऑफ आर्मी चॅप्लिन कॉर्प्स जनरल विल्यम ग्रीन ज्युनियर यांनाही सक्तीने निवृत्त करण्यात आले आहे. लष्कराच्या पुनर्रचनेसाठी आणि ट्रम्प यांच्या धोरणांशी सुसंगत नेतृत्व आणण्यासाठी ही कारवाई करण्यात आल्याचे बोलले जात आहे.
ट्रम्प यांची 'ईस्टर लंच'वर फटकेबाजी
व्हाईट हाऊसमध्ये आयोजित ईस्टर लंच दरम्यान ट्रम्प यांनी इराण डीलबद्दल मिश्किल भाष्य केले. ते म्हणाले, "जर इराणसोबतची डील यशस्वी झाली, तर त्याचे पूर्ण श्रेय मी घेईन. पण जर ही डील फिसकटली, तर मी उपराष्ट्राध्यक्ष जेडी वेन्स यांना दोषी धरीन!" त्यांच्या या विधानानंतर उपस्थितांमध्ये एकच हशा पिकला.
होर्मुजच्या सामुद्रधुनीतून जहाजांची वर्दळ वाढली
'विंडवार्ड' या समुद्री गुप्तचर संस्थेच्या अहवालानुसार, होर्मुजच्या सामुद्रधुनीतून जहाजांची ये-जा हळूहळू वाढत आहे. बुधवारी या मार्गावरून १६ जहाजे सुखरूप बाहेर पडली. विशेष म्हणजे, फिलीपिन्सला इराणकडून सुरक्षित प्रवासाची अधिकृत परवानगी मिळाली आहे. युद्धापूर्वी या मार्गावरून दररोज १३० जहाजे जात असत, त्या तुलनेत हा आकडा अजूनही कमी असला तरी ही सकारात्मक सुरुवात मानली जात आहे.
इराणचा UN ला इशारा
संयुक्त राष्ट्र सुरक्षा परिषदेत होणाऱ्या मतदानापूर्वी इराणचे परराष्ट्र मंत्री अब्बास अराघची यांनी कडक इशारा दिला आहे. "कोणतीही प्रक्षोभक कारवाई, मग ती UN मध्ये का असेना, परिस्थिती अधिक गंभीर करेल," असे त्यांनी स्पष्ट केले आहे.
Web Summary : Trump quipped Iran deal success is his, failure Vice President Vance's, sparking laughter and controversy. Military leadership changes continue. Hormuz Strait sees increased ship traffic. Iran warns UN against provocative actions ahead of a vote.
Web Summary : ट्रंप ने कहा ईरान डील सफल तो श्रेय मेरा, विफल तो उपराष्ट्रपति वेन्स का। इस मज़ाक से हंसी और विवाद हुआ। सैन्य नेतृत्व में बदलाव जारी है। होर्मुज जलडमरूमध्य में जहाजों की आवाजाही बढ़ी। ईरान ने संयुक्त राष्ट्र को चेतावनी दी।