पूर्व तैवानमध्ये मोठी दुर्घटना घडली आहे. रेल्वे रूळावरून घसरल्याने भीषण अपघात झाला आहे. यामध्ये 36 प्रवाशांचा मृत्यू झाला असून 72 जण जखमी झाले आहेत. जखमींना तातडीने जवळच्या रुग्णालयात दाखल करण्यात आले असून त्यांच्यावर उपचार सुरू आहेत. दुर्घटनेची माहिती मिळताच प्रशासन घटनास्थळी दाखल झाले असून वेगाने बचावकार्य सुरू आहे.
तैवानच्या परिवहन मंत्रालयाने दिलेल्या माहितीनुसार, शुक्रवारी रेल्वे रूळावरून एक ट्रेन घसरली. या दुर्घटनेत आतापर्यंत 36 लोकांचा मृत्यू झाला आहे. तर 72 जणांचा मृत्यू झाला आहे. जखमींवर उपचार करण्यात येत आहेत. जखमींपैकी काहींची प्रकृती गंभीर असल्याने मृतांचा आकडा वाढण्याची शक्यता वर्तवण्यात येत आहे. बचावकार्य वेगाने सुरू आहे. ट्रेनमधून जवळपास 350 प्रवासी प्रवास करत होते.
Egypt Train Accident : इजिप्तमध्ये भीषण अपघात! दोन ट्रेनची जोरदार धडक; 32 जणांचा मृत्यू, 66 जण जखमी
इजिप्तमध्ये रेल्वेचा भीषण अपघात झाला. दोन ट्रेनची जोरदार धडक झाली. या भीषण अपघातात 32 जणांच्या मृत्यू झाला असून 66 हून अधिक जण जखमी झाले आहेत. मिस्त्रच्या आरोग्य मंत्रालयाने दिलेल्या माहितीनुसार, मिस्त्र शहरातील सोहागच्या उत्तरेला दोन ट्रेनची धडक झाली. यामध्ये आतापर्यंत 32 जणांचा मृत्यू झाला आहे. अपघाताची माहिती मिळताच सोहाग प्रांतातील ताहाटा जिल्ह्यात रुग्णवाहिका पाठवण्यात आल्या. तसेच जखमींना तातडीने स्थानिक रुग्णालयात दाखल केले जात आहे अशी माहिती आरोग्य मंत्रालयाकडून देण्यात आली आहे.