रशियात 'बर्फाचा प्रलय'! कामचटका शहरात ७-८ मजल्यापर्यंत साचला बर्फ; अंगावर काटा आणणारा व्हिडिओ व्हायरल

Russia Kamchatka snowfall 2026: "निसर्गाचा हा कोप पाहून अंगावर काटा येईल! ❄️ रशियात इतकी हिमवृष्टी झालीय की इमारतींचे पहिले ३-४ मजले बर्फाखाली गायब झाले आहेत. लोक घराबाहेर पडण्यासाठी बोगदे खोदत आहेत. पाहा हा अवाक करणारा व्हिडिओ...

मॉस्को/तेहरान: रशियाच्या सुदूर पूर्व भागात असलेल्या कामचटका द्वीपकल्पात निसर्गाचे रौद्ररूप पाहायला मिळत आहे. गेल्या काही दिवसांपासून सुरू असलेल्या विक्रमी हिमवृष्टीमुळे संपूर्ण शहर अक्षरशः बर्फाखाली गाडले गेले आहे. काही भागात तर निवासी इमारतींच्या चक्क सात-आठ मजल्यापर्यंत बर्फाचे ढिगारे साचले आहेत, ज्यामुळे खिडक्यांमधून बाहेर पडणेही अशक्य झाले आहे.

सोशल मीडियावर व्हायरल होत असलेल्या व्हिडिओंमध्ये घरांचे दरवाजे आणि रस्ते पूर्णपणे बर्फाखाली दबलेले दिसत आहेत. लोक आपल्या घराबाहेर पडण्यासाठी बर्फात बोगदे खोदताना दिसत आहेत. काही मुले चौथ्या मजल्यापर्यंत साचलेल्या बर्फाच्या ढिगाऱ्यावरून घसरगुंडी खेळताना दिसत आहेत. मात्र, प्रशासनाने या व्हिडिओंपैकी काही व्हिडिओ एआय जनरेटेड किंवा अतिरंजित असू शकतात असा इशारा दिला असला, तरी प्रत्यक्ष परिस्थिती अत्यंत गंभीर आहे.

आणीबाणी जाहीर
कामचटकाची राजधानी पेट्रोपावलोव्स्क-कामचत्स्कीमध्ये आणीबाणी जाहीर करण्यात आली आहे. छतावरून बर्फ अंगावर कोसळल्याने आतापर्यंत दोन जणांचा मृत्यू झाला आहे. रस्ते बंद असल्याने जीवनावश्यक वस्तूंचा पुरवठा खंडित झाला असून शाळा आणि सरकारी कार्यालये बंद ठेवण्यात आली आहेत. बचाव पथके अडकलेल्या नागरिकांपर्यंत पोहोचण्यासाठी अहोरात्र प्रयत्न करत आहेत.