'टॅरिफ'बाबत लवकरच मिळणार आनंदाची बातमी! अमेरिका भारतावरील २५% कर काढून टाकणार, ट्रम्प यांच्या मंत्र्याचा दावा

रशियाकडून तेल खरेदी करण्यासाठी अमेरिकेने भारतावर २५% कर लादला आहे, पण आता अमेरिका हा कर रद्द करु शकते.'भारताने रशियन कच्च्या तेलाची खरेदी कमी केली आहे, यामुळे अमेरिका टॅरिफ कमी करु शकते, असा दावा अमेरिकेचे ट्रेझरी सेक्रेटरी स्कॉट बेसेंट यांनी केला.

काही दिवसापूर्वी अमेरिकेने भारतावर २५ टक्के कर लावले होते. हे कर भारतरशियाकडून तेल आयात करत असल्याच्या कारणावरून लादल्याचे सांगण्यात आले. दरम्यान, अमेरिकेचे ट्रेझरी सेक्रेटरी स्कॉट बेसेंट यांनी दावा आता अमेरिका भारतावरील लादलेला कर कमी करू शकते, असा दावा केला आहे. 

अमेरिकेत घोंगावतंय मोठं संकट! AIR INDIA नं न्यूयॉर्क, नेवार्कला जाणारी उड्डाणे केली रद्द

बेसेंट यांनी पॉलिटिकोला दिलेल्या मुलाखतीत सांगितले की, "भारतावरील कर अजूनही कायम आहे, पण भारताने रशियन कच्च्या तेलाची खरेदी कमी केली आहे, यामुळे ट्रम्प प्रशासनाला या कराचा पुनर्विचार करण्याची संधी मिळाली आहे."

स्कॉट बेसेंट म्हणाले, "युक्रेनवरील हल्ल्यानंतर भारताने रशियन तेल खरेदी करण्यापासून रोखण्यासाठी अमेरिकेने २५% कर लावला. भारतीय रिफायनरीजनी सवलतीच्या दरात रशियन कच्च्या तेलाची खरेदी लक्षणीयरीत्या वाढवली आहे, पण आता ही खरेदी पूर्णपणे थांबली आहे.

बेसेंट पुढे म्हणाले, "आता भारताने रशियन तेल खरेदी करणे थांबवले आहे, त्यामुळे अमेरिका देखील कर उठवण्याचा विचार करू शकते." स्कॉट बेसेंट यांनी अमेरिकेच्या टॅरिफ धोरणाच्या यशाचे श्रेय भारत-रशिया व्यापार संबंधांवर झालेल्या परिणामाचे श्रेय दिले.

युरोपियन देशांची टीका

रशियासोबत व्यापार करणाऱ्या युरोपियन देशांवर स्कॉट बेसेंट यांनी टीका केली. बेसेंट म्हणाले, "युरोपियन देश रशियावर जाहीर टीका करत आहेत, तरीही ते एकाच वेळी भारतीय रिफायनरीजमध्ये प्रक्रिया केलेल्या रशियन कच्च्या तेलापासून बनवलेले रिफाइंड उत्पादने खरेदी करत आहेत." बेसेंट यांनी युरोपियन सरकारांच्या या धोरणावर टीका केली.