एलॉन मस्कची धडकी भरवणारी भविष्यवाणी, म्हणाला- येत्या काळात महायुद्ध अटळ! २०३० पर्यंत...

Elon Musk War Prediction: "सध्या तणाव कमी करण्यावाचून दुसरा उपाय नाही"

Elon Musk War Prediction: तंत्रज्ञान क्षेत्रातील दिग्गज आणि अमेरिकन उद्योगपती एलॉन मस्क यांनी गंभीर चिंता व्यक्त केली आहे. एका पोस्टमध्ये मस्क यांनी म्हटले आहे की जग एका महायुद्धाकडे वाटचाल करत आहे. प्रमुख राष्ट्रांमधील तणाव सतत वाढत आहे. अशा परिस्थितीत युद्ध अपरिहार्य आहे. पाच किंवा दहा वर्षात युद्ध होऊ शकते. मात्र एलॉन मस्क यांनी हे युद्ध कोणत्या देशांमध्ये सुरू होऊ शकते हे स्पष्ट केले नाही. मस्क पुढे म्हणाले की, २०३० पर्यंत जगात तिसरे महायुद्ध सुरू होऊ शकते. अनेक देश नष्ट होऊ शकतात. तुम्हाला अणुयुद्धही दिसू शकते. सध्या मला तणाव कमी करण्यावाचून दुसरा कोणताही उपाय दिसत नाही.

मस्कने असे का म्हणाले?

हंटर अ‍ॅश नावाच्या एका वापरकर्त्याने एका पोस्टमध्ये लिहिले की जगातील सरकारे आत्मसंतुष्ट झाली आहेत. अण्वस्त्रांच्या आगमनाने, सरकारांनी एकमेकांवर दबाव आणण्यास सुरुवात केली आहे. एके दिवशी, हे देश एकमेकांशी भिडतील. बाजारपेठ अखेर सर्वांना नष्ट करेल. माझा हा अंदाज चुकला तर मला आनंदच होईल. हंटर अ‍ॅश हे मार्को नावाच्या युजरच्या पोस्टला उत्तर देत होते. मार्को जीडीपीचा मुद्दा वापरून हे स्पष्ट करण्याचा प्रयत्न करत होता की अल-स्लावोद वगळता इतर कोणत्याही देशाने आपल्या लोकांचा विकास केलेला नाही. मस्कने यांनीही या पोस्टची दखल घेतली आणि युद्धाची भविष्यवाणी केली.

मस्कचे विधान महत्त्वाचे का आहे?

सध्या युरोपमध्ये रशिया आणि युक्रेनमध्ये युद्ध सुरू आहे. अमेरिका व्हेनेझुएलासोबत वाद घालताना दिसत आहे. तैवान आणि फिलीपिन्स यांच्यातही हेवेदावे आहेत. इस्रायल एकाच वेळी इराण, सीरिया, पॅलेस्टाईन आणि लेबनॉनसारख्या देशांशी लढत आहे. आफ्रिकन देश युद्धात अडकले आहेत. एकंदरीत, जगातील १९३ बड्या देशांपैकी ७० पेक्षा जास्त देश एकतर लढत आहेत किंवा युद्धात अडकले आहेत. युद्धात असलेल्या देशांपैकी रशिया आणि इस्रायलकडे अण्वस्त्रे आहेत. याव्यतिरिक्त अमेरिका, पाकिस्तान, भारत, फ्रान्स, ब्रिटन आणि चीनकडेही अण्वस्त्रे आहेत.