सेनगाव पोलीस ठाण्यात कार्यरत असलेले पो.शि. संदीप मदन सोनटक्के (रा. मुंगसाजी माउलीनगर, बळसोंड) व पो.ना. श्रीराम गंगाराम पुरी (रा.सुराणानगर, हिंगोली) हे दोघे ७ एप्रिल रोजी रात्री ९.१५च्या सुमारास सेनगाव येथून हिंगोलीकडे दुचाकीवरून येत होते. त्यांची दुचाकी सेनगाव ते हिंगोली रोडवरील केसापूर पाटीजवळ आली असता, त्यांच्या दुचाकीस एम.एच. २२-२००१ च्या टिप्पर चालकाने वाहन भरधाव व निष्काळजीपणे चालवून दुचाकीस पाठीमागून जोराची धडक दिली. या अपघातात श्रीराम पुरी यांचा मृत्यू झाला, तर संदीप सोनटक्के हे गंभीर जखमी झाले होते.
{{#config.logo.enabled}}
{{/allowed}}या प्रकरणी दवाखान्यात उपचार घेतल्यानंतर, संदीप सोनटक्के यांच्या फिर्यादीवरून १२ एप्रिल रोजी टिप्पर चालकाविरुद्ध नरसी पोलीस ठाण्यात गुन्हा नोंद झाला आहे. तपास पो.उप.नि. अशोक कांबळे करीत आहेत.