हिंगोली : तालुक्यातील लासीना येथील ११ वर्षीय बालकाचा एकाने धमकावून लैंगिक छळ केला. तर दुसऱ्याने त्याचा व्हिडीओ गावात प्रसारीत केल्याची घटना घडली. याप्रकरणी पोक्सोअंतर्गंत दोघांवर कळमनुरी पोलीस ठाण्यात गुन्हा नोंद झाला आहे.
हिंगोली तालुक्यातील लासीना येथे एक ते दीड महिन्यापूर्वी एका ११ वर्षीय मुलाला गावातील रामू दिगांबर पोले याने पडक्या घरामध्ये नेऊन तेथे त्याला धमकावले. तसेच जबरदस्तीने त्याच्या तोंडात लिंग दिले. हा प्रकार कोणाला सांगितला तर जीवे मारून टाकीन अशी धमकी ११ वर्षीय मुलाला दिली. तर सचिन भीमराव कांबळे याने या प्रकाराचा व्हिडीओ गावात प्रसारीत केला. एक ते दीड महिन्यानंतर याप्रकरणी पिडीत मुलाच्या पित्याने कळमनुरी पोलीस ठाण्यात तक्रार दिली. यावरून रामू दिगांबर पोले, सचिन भीमराव कांबळे याच्याविरूद्ध गुन्हा दाखल झाला आहे. यातील एकास पोलिसांनी ताब्यात घेतले आहे. दरम्यान, घटनेची माहिती मिळताच सहाय्यक पोलीस अधीक्षक यतीश देशमुख, पोलीस निरीक्षक आर.व्ही. भोईटे, सपोनि रोयलावार यांनी घटनास्थळी भेट देवून माहिती घेतली. तपास सहाय्यक पोलीस अधीक्षक यतीश देशमुख करीत आहेत.