कोरोनातही जीव धोक्यात घालून चौकशी
जुनी रक्कम उचललेल्यांना आता नवीन हजारांची मदत बँकेत आली की नाही, याची चिंता दिसत आहे. ही मंडळी बँकेच्या दारात येऊन विचारणा करताना दिसत आहे. सध्या शेतकऱ्यांच्या रांगा लागलेल्या असतानाही ही मंडळी त्यांच्यामध्ये मिसळून रक्कम काढण्यासाठी प्रयत्न करताना दिसत होती.
अजून शासनाकडून एक हजार रुपये मदतीची रक्कम आली नाही. ही रक्कम जशी प्राप्त होईल, तशी तहसील कार्यालयांना पाठवून निराधारांच्या खात्यावर जमा करण्यात येईल.
-चंद्रकांत सूर्यवंशी, निवासी उपजिल्हाधिकारी
मी यापूर्वीची रक्कम उचलली. मात्र, नवीन हजार मिळणार असल्याचे कळाले होते. त्याच्या चौकशीसाठी बँकेत आले आहे.
- संगीता जोगदंड
मला मागच्या वेळी रांगेत उभ राहूनही रक्कम मिळाली नाही. त्यामुळे आज पुन्हा आले. हजार रुपये मिळणार असल्याचे माहितीच नाही.
- मालनबी आजमोद्दीन
मागच्यावेळी रक्कम उचलता आली नाही. ती आज उचलत आहे. हजाराबाबतही चौकशी केली. मात्र, ते आले नाहीत असे सांगण्यात आले.
- सरस्वती जावळे
यापूर्वीची रक्कम उचलली आहे. आता हजार रुपये मिळणार असतील म्हणून चौकशी केली; मात्र ते आले नसल्याचे कळाले.
-नशीदाबी शे.चाँद
जुनीच रक्कम अजून मिळाली नाही. दोनदा चक्कर झाली. आज ती मिळेल. नवीन हजाराची माहितीही नाही अन् ती कधी मिळेल, हे सांगता येत नाही.
- जनाबाई मुधोळकर
संजय गांधी निराधार योजना १४४३५
श्रावण बाळ योजना २८९७०
इंदिरा गांधी राष्ट्रीय वृद्धापकाळ योजना १५३३९
इंदिरा गांधी राष्ट्रीय विधवा निवृत्तिवेतन योजना ८४४
इंदिरा गांधी राष्ट्रीय दिव्यांग निवृत्तिवेतन योजना १०५