लोकमत न्यूज नेटवर्क, म्हापसा: नातीच्या मित्रानेच घरात शिरून सुमारे पावणेदोन कोटी रुपयांवर डल्ला मारल्याचा प्रकार थिवी येथे उघडकीस आला आहे. १ डिसेंबर रोजी हा प्रकार घडला असून, कोलवाळ पोलिसांनी कबीर प्रधान (रा.बागा) याला अटक केली आहे, तर या प्रकरणात कबीर याच्या पसार झालेल्या साथीदाराचा शोध सुरू आहे.
घरात ठेवलेली रोख १ कोटी ८५ लाख रुपयांची रोख रक्कम चोरीस गेल्याचे फिर्यादी चंद्रकांत गाड यांच्या निदर्शनास आले. चौकशीच्या वेळी ही रक्कम नातीच्या मित्राने लंपास केल्याचे आढळून आले.
संशयिताचे फिर्यादीच्या घरी येणे-जाणे सुरू होते. त्यामुळे घरात असलेल्या मोठ्या रकमेची त्याला माहिती होती. फिर्यादीचे कुटुंब घरात नसल्याची संधी साधून संशयिताने आपल्या एका मित्राच्या मदतीने बंद घरात शिरून चोरी केली.
७ लाख रुपये जप्त, इतर रक्कम गुंतवली
या प्रकरणी पोलिसांनी संशयिताला चौकशीसाठी ताब्यात घेतल्यानंतर त्याने चोरीची कबुली दिली. पोलिसांनी संशयिताकडून चोरीच्या रकमेतील ७ लाख रुपये जप्त केले आहेत. मात्र, इतर रक्कम त्याने गुंतवली असल्याने, ती जप्त करण्याची प्रक्रिया पोलिसांकडून सुरू आहे. पुढील तपास पोलिस निरीक्षक संदेश कांदोळकर यांच्या नेतृत्वाखाली सुरू करण्यात आला आहे.
Web Summary : A friend stole ₹1.85 crore from a house in Thivi, Goa. Police arrested Kabir Pradhan and recovered ₹7 lakh. The search continues for his accomplice; further investigation is underway.
Web Summary : गोवा के थिवी में एक दोस्त ने घर से 1.85 करोड़ रुपये चुराए। पुलिस ने कबीर प्रधान को गिरफ्तार किया, ₹7 लाख बरामद। उसके साथी की तलाश जारी; आगे की जांच चल रही है।