गडचिराेली : सामाजिक वनीकरणामध्ये कार्यरत वनअधिकारी, कर्मचारी व वनमजुरांच्या प्रलंबित मागण्या मार्गी लावाव्या, अशी मागणी बहुजन अधिकारी-कर्मचारी महासंघाचे विभागीय अध्यक्ष डॉ. नामदेव खोब्रागडे यांनी सामाजिक वनीकरणचे मुख्य वनसंरक्षक डाॅ. मानकर यांच्याकडे निवेदनाद्वारे केली.
सामाजिक वनीकरण विभागात काम करणाऱ्या वनमजुरांचे आर्थिक शोषण हाेते. असे प्रकार आढळून आल्यास त्यांच्या विरुद्ध चौकशी समिती नेमून विभागीय चौकशी करावी. तसेच दोषी आढळून आल्यास नियमानुसार सेवेतून मुक्त करावे. वनीकरणामध्ये प्रामाणिक आणि कर्तव्यनिष्ठ अधिकारी आणि कर्मचारीसुद्धा आहेत. त्यामुळे त्यांच्या कार्याचा गौरव करून पुढील सेवेसाठी प्रोत्साहन द्यावे व प्रलंबित समस्या तत्काळ साेडवाव्या, अशी मागणी डाॅ. नामदेव खाेब्रागडे यांनी केली. डाॅ. मानकर यांनी सामाजिक वनीकरण विभाग गडचिरोली येथील कामांची सखोल चौकशी करून दाेषी अधिकारी व कर्मचाऱ्यांवर कारवाई करण्याचे आश्वासन दिले. याप्रसंगी उपविभागीय अधिकारी आशीष येरेकर, सहाय्यक वनसंरक्षक सोनल भडके, सामाजिक वनीकरणचे विभागीय वनअधिकारी गोखले, क्षेत्रसहाय्यक गेडाम, वनरक्षक चव्हाण उपस्थित हाेते. निवेदन देताना डॉ. नामदेव खोब्रागडे व प्राचार्य आर.डी. शेंडे उपस्थित होते.