अप्पर पोलीस अधीक्षकांना निरोप

अहेरीचे अप्पर पोलीस अधीक्षक प्रणय अशोक यांना जिल्हा पोलीस दलाच्या वतीने शनिवारी येथील पोलीस

सक्रिय अधिकाऱ्यांची गरज : संदीप पाटील यांचे प्रतिपादनगडचिरोली : अहेरीचे अप्पर पोलीस अधीक्षक प्रणय अशोक यांना जिल्हा पोलीस दलाच्या वतीने शनिवारी येथील पोलीस मुख्यालयाच्या जेटीएससी हॉलमध्ये निरोप देण्यात आला. यावेळी अध्यक्षस्थानी जिल्हा पोलीस अधीक्षक संदीप पाटील होते. प्रमुख अतिथी म्हणून अप्पर पोलीस अधीक्षक मंजुनाथ सिंगे, अप्पर पोलीस अधीक्षक महेश्वर रेड्डी, सत्कारमूर्ती प्रणय अशोक आदी उपस्थित होते. यावेळी संदीप पाटील व उपस्थित अधिकाऱ्यांनी अप्पर पोलीस अधीक्षक प्रणय अशोक यांचा शाल, श्रीफळ देऊन सत्कार केला. यावेळी प्रणय अशोक म्हणाले, गडचिरोली जिल्ह्यात काम केल्याचा मला अभिमान आहे व तो सदैव राहिल. अप्पर पोलीस अधीक्षक (अभियान) एम. राजकुमार यांच्या मार्गदर्शनाखाली काम करताना आवश्यक कौशल्य शिकता आले. तसेच संदीप पाटील यांच्याकडून आपण नेमकेपणा हा गुण आत्मसात केला, असे सांगितले. यावेळी संदीप पाटील यांनी सक्रीयपणे काम करणारे अधिकारी हवेत, असे सांगितले. संचालन पोलीस उपनिरिक्षक संदीप पाटील यांनी केले. (स्थानिक प्रतिनिधी)