इंटरनेटचा अभाव
ग्रामीण आणि दुर्गम भागात काम करणाऱ्या अंगणवाडी सेविकांना स्मार्ट फोनवरून माहिती भरताना इंटरनेट सुविधा मिळत नाही. त्यामुळे इंटरनेटच्या रेंजमध्ये आल्यानंतरच त्यांची माहिती संबंधित ॲपवर दिसते. असे असले तरी ऑफलाईन काम करण्याची सुविधा असल्यामुळे अंगणवाडी सेविकांसाठी हे ॲप उपयोगाचे आहे.
प्रत्येक अंगणवाडी सेविकेकडे स्मार्ट फोन आहे. पण सध्या सॉफ्टवेअरमध्ये सुधारणा करणे सुरू असल्यामुळे त्यावरून काम बंद आहे. सुरूवातीला मोबाईलवर काम करणे काही सेविकांना कठीण गेले. नंतर मात्र त्यांना ते काम अंगवळणी पडले. वरिष्ठस्तरावरून सूचना येताच पुन्हा मोबाईलवर काम सुरू होईल.
- विशाल गुणवंत धात्रक
जिल्हा समन्वयक, पोषण अभियान
मोबाईलवरून ही सरकारी कामे करण्याची सोय
- कुटुंबांचे सर्वेक्षण करून त्यांची माहिती भरणे. यासाठी आधी वेगळे रजिस्टर ठेवावे लागत होते. आता मोबाईलच्या सॉफ्टवेअरमध्येच ती माहिती राहते.
- कुटुंब सर्वेेक्षणातील डेटानुसार बाळ, गरोदर महिलेच्या वजनवाढीवर देखरेख, दर महिन्याला त्याची नोंद ठेवणे ही कामे मोबाईलवर होतात.
- महिला आणि बालकांना दिला जाणारा गरम ताजा आहार, त्याची नोंदणी आणि वाटपाची माहिती घेऊन ती सॉफ्टवेअरमध्ये टाकली जाते.
- अपेक्षित कामांची यादी मोबाईलमध्येच पहायला मिळते. अंगणवाडी ताईने किती वाजता अंगणवाडी उघडली यापासून तर किती जणांना खाऊचे वाटप केले ही माहिती त्यात असते.
- कोणत्या दिवशी कुठे गृह भेट करायची आहे याची आठवण मोबाईलच देते. त्यानुसार कुपोषित बालक, नवजात बालक, स्तनदा आणि गरोदर मातांच्या घरी भेटी दिल्या जातात.