मंगळसूत्र ओरबाडून पळणा-याला पकडले

साक्री येथील घटना : लोकांचा पुढाकार

धुळे : धुमस्टाईलने महिलेच्या गळ्यातील मंगळसूत्र ओरबाडून पळ काढणाºया लुटारुला लोकांनी पकडले़ ही घटना साक्री येथे गुरुवारी घडली़ चोरट्याला पोलिसांच्या स्वाधीन करण्यात आले़ एक महिला आपल्या घरी पायी निघाली होती़ त्यावेळेस एकटी महिला बघून लुटारुने आपला डाव साधला़ मात्र, दक्ष असलेल्या काही नागरीकांमुळे त्या लुटारुचा मनसुभा वेळीच उधळण्यात आला़ लोकांनी त्याला पकडून पोलिसांच्या स्वाधीन केले़ साक्री येथील विद्यानगर येथील विमलबाई शरद भामरे ही महिला गुरुवारी सायंकाळी पावणे सात वाजेच्या सुमारास परिसरातून पायी चालल्या होत्या़ तेव्हा दुचाकीवरुन भरधाव वेगाने आलेल्या एकाने त्यांच्या गळ्यातील मंगळसुत्र ओरबाडले़ त्यानंतर तो घटनास्थळावरुन पसार होऊ लागला़ त्याचवेळेस विमलबाईने जोरजोरात आरडा ओरड करण्यास सुरुवात केली़ लोकं त्याठिकाणी जमले़ वेळ न वाया जावू देता काही लोकांनी त्या चोरट्याचा पाठलाग सुरु केला़ तो नेहरु नगरच्या नाल्याजवळ लोकांच्या तावडीत सापडला़ पोलिसांनी त्या चोरट्याकडून ७ ग्रॅम वजनाचे मंगळसुत्र हस्तगत करण्यात आले़ त्याच्या विरोधात साक्री पोलीस ठाण्यात गुन्हा दाखल झाला़ चोरटा बागलाणचानागरीकांनी पकडून दिलेल्या चोरट्याचे नाव दीपक चिंधा निकम असे असून तो लखमापूर ता़ बागलान जि़ नाशिक येथील रहिवासी असल्याचे त्याच्या चौकशीतून समोर आले़ त्याला साक्री पोलिसांच्या स्वाधीन करण्यात आले आहे़