Sonam Raghuwanshi Case: सोनमने राजा रघुवंशीची हत्या कशी केली, याबद्दल काही माहिती पोलिसांनी केलेल्या आतापर्यंतच्या तपासातून समोर आली आहे. राजाची हत्या वेई साडोंग धबधब्याजवळील सेल्फी पाईंटवर नेऊन करण्यात आली आहे. सेल्फी पॉईंटवर कुणी पडू नये म्हणून जाळीचे सुरक्षा कवच आहे. चार फूट उंच या संरक्षक कठड्यावरून राजाचा मृतदेह खाली दरीत फेकण्यात आला.
'लोकमत'चं WhatsApp चॅनल फॉलो करा!
आतापर्यंत पोलिसांच्या हाती आलेल्या माहितीनुसार काही गोष्टी समोर आल्या आहेत. पोलीस सूत्रांनी दिलेल्या माहितीनुसार विशाल, आकाश आणि आनंद हे त्यांच्या गाड्या घेऊन सोनम आणि राजासोबतच फिरत होते.
सोनमने सेल्फी पॉईंटवर नेल अन्...
त्यांनी रचलेल्या कटानुसार, दहा किमीवर अंतर चालत गेले की, वेई साडोंम धबधब्याचा सेल्फी पाईंट आहे. तिथे बाजूला पार्किंगही आहे. पार्किंगमध्ये त्यांनी गाड्या उभ्या केल्या. मुख्य रस्तापासून २०० मीटर आत सेल्फी पाईंट आहे.
वाचा >>"लग्नानंतर राजा त्याच्या मित्रांसह..."; सोनम रघुवंशीने रिसेप्शनला नवऱ्याला दिलेलं 'हे' वचन
सोनम आणि राजा तिथे गेले. त्यांच्यासोबत विशाल आणि आकाशही होता. तिथे जाण्यासाठी त्यांना पाच मिनिटे लागली असतील. त्याच्या प्लॅननुसार आनंद स्कूटर घेऊन मुख्य रस्त्यावरच थांबला. कोणी सेल्फी पॉईंटकडे येत आहे का, हे सांगण्यासाठी त्याला तिथे उभे केले होते. सोनमने इशारा केला, विशालने वार केला
सेल्फी पाईंटवर पोहचल्यानंतर सोनमने विशाल चौहानकडे बघून इशारा केला. त्याने राजाच्या पाठीमागून जात डोक्यात जोरात वार केला. त्यानंतर त्याला मारण्यात आले. अवघ्या काही मिनिटात हे त्यांनी केले. राजाचा मृत्यू झाल्याचे निश्चित केल्यानंतर तिघांनी त्याला ४ फूट उंच लोखंडी जाळीच्या कठड्यावरून खाली दरीत फेकले.
सूत्रांच्या माहितीनुसार, १८ मिनिटात त्यांनी राजाची हत्या करून मृतदेहाची विल्हेवाट लावली. त्यानंतर आकाश आणि सोनम एकाच स्कूटरवरून निघाले.
सोनम रघुवंशी अशी पोहचली इंदूरला
विशाल रस्त्यावर थांबलेल्या आनंदसोबत निघाला. सोहरापासून १५ किमी दूर सोहरारिम गावात आकाशने स्कूटर रस्त्याच्या कड्याला उभी केली. स्कूटरला चावी तशीच ठेवली होती. त्यानंतर सोनम टॅक्सीने शिलाँगमधील पोलीस बाजारात पोहचली. आकाश त्याच्या दोन साथीदारांसह निघून गेला. त्यानंतर सोनम गुवाहाटीला गेली. तिथून ती सिलिगुडीला पोहोचली. तिथून सोनमने पटना गाठले. नंतर ती लखनौ मार्गे इंदूरला आली होती.