Latest Crime News | गुन्हेगारी मराठी बातम्या | Crime Marathi News | Latest Crime News in Marathi | क्राइम ताज्या मराठी बातम्या

नालासोपारा : सख्ख्या भावाचा खून करून नेपाळला पळून जाण्याच्या तयारीत असलेल्या आरोपी भावाला गुन्हे शाखेच्या युनिट दोनच्या पोलिसांनी शिताफीने ताब्यात घेतल्याची माहिती सहायक पोलिस आयुक्त मदन बल्लाळ यांनी शुक्रवारी दिली. योगेश मोहनबहादूर नेपाली (३५) असे मृताचे नाव आहे; तर सूरज मोहनबहादूर नेपाली (३०) असे आरोपी भावाचे नाव आहे.गुन्हे शाखा युनिट दोनचे पोलिस निरीक्षक अविराज कुराडे, सहायक पोलिस निरीक्षक सोपान पाटील, पोलिस उपनिरीक्षक संतोष घाडगे आणि अजित गिते, सहायक फौजदार संजय नवले, मुकेश पवार, रवींद्र पवार, मनोज मोरे, चंदन मोरे, हवालदार प्रफुल्ल पाटील, सचिन पाटील, जगदिश गोवारी, राहुल कर्पे, दिलदार शेख, दादा आडके, अनिल साबळे, अक्षय बांगर, मसूब रामेश्वर केकान, तसेच सायबर शाखेचे सहायक फौजदार संतोष चव्हाण यांनी ही कारवाई केली आहे.किरकोळ वादातून लाथाबुक्क्यांनी मारहाण१. वसईच्या तुंगार फाटा येथील डॉल्फिन हॉटेल येथे राहणाऱ्या योगेश नेपाली याचा भाऊ सूरज नेपाली याच्यासोबत गुरुवारी संध्याकाळी किरकोळ वाद झाला. यावरून सूरजने योगेशला लाथाबुक्क्यांनी जबर मारहाण केली. वर्मी मार लागल्याने त्याचा मृत्यू झाला.२. याप्रकरणी पेल्हार पोलिसांनी याप्रकरणी हत्येचा गुन्हा दाखल केला होता. गुन्ह्याची माहिती मिळाल्यावर गुन्हे शाखा युनिट दोनच्या पोलिस पथकाने तपास सुरू केला. सहायक पोलिस निरीक्षक सोपान पाटील यांना आरोपी नेपाळला पळून जाण्याच्या तयारीत असल्याची माहिती मिळाली. त्यानुसार आरोपीचे मोबाइलचे तांत्रिक विश्लेषण करून मायदेशी नेपाळला पळून जाण्याच्या तयारीत असलेला आरोपी सूरज मोहनबहादूर नेपाली याला अटक केली आहे.

Crime (Marathi News)

उत्तराखंडमधील अनुपमा गुलाटी हत्या प्रकरणामध्ये अखेर न्यायालयाने महत्त्वाचा निर्णय दिला. ...

बंगळुरूमध्ये चिमुरड्याला फुटबॉलसारखी लाथ मारणाऱ्याला अटक केल्यानंतर धक्कादायक खुलासे समोर आले आहेत. ...

आचारसंहितेच्या काळातच खून झाल्याने खळबळ उडाली, काही तासातच मुख्य संशयित ताब्यात ...

स्वत:हून पोलिसांत हजर झालेल्या माथेफिरू मुलास अटक ...