खळबळजनक! अनिलशी लग्न, आकाशशी अफेअर, नशेच्या गोळ्या...; काजलने नवऱ्याचा काढला काटा

एका पत्नीने तिच्या प्रियकरासह पतीची हत्या करण्याचा कट रचल्यामुळे सर्वांनाच मोठा धक्का बसला.

उत्तर प्रदेशातील मेरठमधून एक धक्कादायक घटना समोर आली आहे. एका पत्नीने तिच्या प्रियकरासह पतीची हत्या करण्याचा कट रचल्यामुळे सर्वांनाच मोठा धक्का बसला. पत्नीने आधी पतीला नशेच्या गोळ्या देऊन बेशुद्ध केलं, नंतर त्याचा गळा दाबून त्याला कालव्यात फेकून दिलं. पोलिसांनी या हत्येचा पर्दाफाश केला आहे आणि आरोपी पत्नी, तिचा प्रियकर आणि आणखी एका व्यक्तीला अटक केली आहे.

मेरठच्या रोहता पोलीस स्टेशन हद्दीतील रसूलपूर गावात ही खळबळजनक घटना आहे. ३२ वर्षीय रहिवासी अनिलने आठ वर्षांपूर्वी काजलशी लग्न केलं. या जोडप्याला तीन लहान मुलं आहेत. काजलचं त्याच गावातील आकाश या तरुणाशी प्रेमसंबंध होते. २६ ऑक्टोबर रोजी अनिल अचानक बेपत्ता झाला. त्याच्या भावाने रोहता पोलिस स्टेशनमध्ये बेपत्ता झाल्याची तक्रार दाखल केली, ज्यामुळे पोलिसांना शोध सुरू झाला.

अनेक दिवस अनिलचा पत्ता लागला नाही. कुटुंब अस्वस्थ होते, परंतु कोणालाही पत्नीवर संशय आला नाही. ५ नोव्हेंबर रोजी अनिलचा भाऊ पुन्हा पोलीस ठाण्यात आला आणि त्याने तक्रार दाखल केली, ज्यामध्ये स्पष्टपणे आरोप केला होता की अनिलची पत्नी काजल, तिचा प्रियकर आकाश आणि आकाशचा मित्र बादल यांनी अनिलचं अपहरण केलं आणि त्याच्या हत्येचा कट रचला होता. त्यानंतर पोलिसांनी गुन्हा दाखल केला आणि तपास सुरू केला.

पोलीस तपासात असं दिसून आलं की काजल आणि गावातील रहिवासी आकाश यांच्या प्रेमसंबंधाची माहिती गावकऱ्यांना मिळाली. गावकऱ्यांची पंचायत झाली, परंतु समाजाच्या भीतीने काजलच्या सासरच्या लोकांनी हे प्रकरण दाबून ठेवलं. पंचायतीनंतरही काजल आणि आकाश गुपचूप भेटत राहिले. पोलिसांनी आरोपीला अटक केली आणि त्यांची चौकशी केली.

चौकशीदरम्यान एक धक्कादायक खुलासा झाला. काजल संपूर्ण हत्येची सूत्रधार होती. काजलने तिचा पती अनिलला गोळ्या दिल्या. त्यानंतर एका कालव्याजवळ पोहोचले. काजलने तिच्या पतीचा दुपट्टाने गळा दाबण्याचा प्रयत्न केला, परंतु अनिलचा लगेच मृत्यू झाला नाही. त्यानंतर तिघांनी बेशुद्ध अनिलला पुलावरून कालव्यात फेकून दिले आणि गुन्ह्यात वापरलेला दुपट्टा जवळच्या झुडपांमध्ये लपवून ठेवला आणि ते पळून गेले.