नागपूर : कुख्यात गुन्हेगार साहिल खुर्शीद सय्यद याने एका महिलेशी प्रेम संबंध निर्माण करून साथीदारांच्या मदतीने तिची सदनिका हडपण्याचे प्रयत्न केले. हुडकेश्वर पोलिस ठाण्यात या संबंधाने साहिल सय्यद, त्याचा भाऊ तौफिक सय्यद, पत्नी नीलिमा जयस्वाल तिवारी आणि जुबेर अशा चौघांविरुद्ध गुन्हा दाखल केला.
पीडित महिला ४२ वर्षांची आहे. २०१३ मध्ये आरोपी साहिलने तिच्या सोबत प्रेम संबंध प्रस्थापित केले. तिचा विश्वास संपादन केल्यानंतर बेसा पावर हाउस मागे असलेल्या शीला अपार्टमेंटमधील ३०२ क्रमांकाची सदनिका नावावर करून द्यावी म्हणून आरोपी साहिल आणि साथीदारांनी तिला मारहाण केली. या सदनिकेची कागदपत्र हिसकावून घेऊन महिलेच्या कोऱ्या स्टॅम्प पेपरवर सह्या घेतल्या. २०१३ ते ऑगस्ट २०१९ या दरम्यान हा प्रकार घडला. जिवाच्या भीतीने पीडित महिला गप्प बसली. मात्र गुन्हे शाखेने साहिलच्या गुन्हेगारीचे कंबरडे मोडले. म्हणून पीडित महिलेने वरिष्ठ अधिकाऱ्यांची भेट घेऊन आपली तक्रार नोंदविली. त्यावरून गुन्हे शाखेच्या पोलिसांनी हुडकेश्वर पोलिस ठाण्यात सोमवारी साहिल, तौफिक, नीलिमा आणि जुबेर या चौघांविरुद्ध विविध कलमानुसार गुन्हा दाखल केला. यातील जुबेर वगळता अन्य आरोपी सध्या न्यायालयीन कोठडीत आहेत.
अन्य महत्वाच्या बातम्या...
६ वर्षाच्या मुलीचं अपहरण करून केले लैंगिक शोषण, ४ दिवसांनंतरही आरोपी फरार
दुर्दैवी अंत! लाकडाच्या ढिगाऱ्यावर कुत्रा चढल्याने दोन मुलींचा मृत्यू
IPS अधिकाऱ्यांच्या बदल्यांवर अनिश्चिततेचे सावट, अद्याप ठोस निर्णय नाही
सख्ख्या भावाने भावाला चाकूने भोसकले, मानकापूरातील घटना
Sushant Singh Rajput Suicide : ईडीच्या हाती लागला पुरावा, आता होऊ शकते संदीप सिंगची चौकशी