धक्कादायक! प्रेमविवाहानंतर विश्वासघात, दोन तरुणांसोबत रंगेहात सापडली, पतीने उचलले टोकाचे पाऊल

कानपूरमध्ये एक खळबळजनक घटना समोर आली आहे. महाराजपूर पोलिस स्टेशन हद्दीतील रुमा येथील हाय-टेक सिटीमध्ये प्रेमविवाहानंतर अवघ्या चार महिन्यांतच एका पतीने आपल्या पत्नीची हत्या केली.

उत्तर प्रदेशातून एक धक्कादायक घटना समोर आली. प्रेमविवाहानंतर अवघ्या चार महिन्यांतच एका महिलेने पतीचा विश्वासघात केली. महिलेचे इतर दोन तरुणांसोबत प्रेमसंबंध सुरू होते. शुक्रवारी रात्री ही महिला दोन तरुणांसोबत एका खोलीत होती. पतीला हे कळताच तो अचानक तिथे पोहोचला. दोन तरुणांसोबत महिलेला पाहून त्याचा राग अनावर झाला. दोघांमध्ये वाद  झाला. यावर, महिलेने तिच्या पतीला तिन्ही तरुणांसोबत राहण्याचा आग्रह धरण्यास सुरुवात केली. पत्नीचे बोलणे ऐकून, अस्वस्थ झालेल्या पतीने तिची गळा दाबून हत्या केली. काही तासांनंतर, पती स्वत: पोलिस ठाण्यात दाखल झाला.

इंडिगोवर डीजीसीएची सर्वात मोठी कारवाई, २२ कोटी रुपयांचा दंड, उपाध्यक्षांना पदावरून हटवण्याचे आदेश

फतेहपूरमधील गाजीपूर पोलीस ठाण्याच्या मोहनपूर गावातील रहिवासी २५ वर्षीय सचिन सिंह भदोरिया याचे चार महिन्यांपूर्वी त्याच गावातील २२ वर्षीय श्वेता उर्फ ​​रिया सिंह हिच्याशी प्रेमविवाह झाला होता. लग्नानंतर दोघेही गुजरातला गेले. एक महिन्यापूर्वी सचिनने रुमा येथील हाय-टेक सिटीमध्ये भाड्याने खोली घेतली आणि पत्नीसोबत राहू लागला. सचिनने दिलेल्या माहितीनुसार, गेल्या काही दिवसांपासून त्यांना त्यांच्या पत्नीचे अवैध संबंध असल्याचा संशय होता. शुक्रवारी रात्री तो अचानक खोलीत पोहोचला तेव्हा शेजारी राहणारे दोन अभियांत्रिकीचे विद्यार्थी खोलीत होते. त्यांच्यासोबत त्याची पत्नीही होती. यावेळी त्याचा त्या तरुणांसोबत वाद झाला. त्यांनी ११२ वर माहिती दिली तेव्हा पोलीस आले आणि सर्वांना पोलिस ठाण्यात घेऊन गेले. त्यांनी तरुणांना थांबवले आणि पती-पत्नीला जाऊ दिले.

सासरच्यांनी हुंडा हत्येचा आरोप केला

सचिनच्या माहितीनुसार, तो घरी पोहोचताच त्याची पत्नी त्याच्याशी भांडू लागली. तिने एकाच घरात तीन मुलांसोबत राहण्याचा आग्रह धरू लागली. त्यामुळेच त्याने शनिवारी सकाळी श्वेताची हत्या केली. त्यानंतर सचिनने पोलिस ठाण्यात जाऊन स्वतः ही घटना सांगितली. पोलिसांनी श्वेताच्या कुटुंबाला माहिती दिली. संध्याकाळी उशिरा तिचे वडील राजकुमार सिंह यांनी १० लाख रुपयांच्या हुंड्याच्या मागणीवरून ही हत्या झाल्याचा आरोप करत तक्रार दाखल केली. 

पोलिसांनी दिलेली माहिती अशी, अवैध संबंधांच्या संशयावरून महिलेची गळा दाबून हत्या करण्यात आली. ती तीन मुलांसोबत राहण्यावर ठाम होती असा आरोप पतीने केला आहे. कुटुंबाच्या तक्रारीवरून हुंडा हत्येचा गुन्हा दाखल करण्यात आला आहे. पतीला अटक करण्यात आली असून या प्रकरणाचा पुढील तपास सुरू आहे.