आज जिल्हा कारागृहाचा लोकार्पण सोहळा

जालना : येथील जिल्हा कारागृहाचा लोकार्पण सोहळा आयोजित होणार आहे. जिल्हाधिकारी ए.एस.आर. नायक यांच्या हस्ते उद्घाटन होणार आहे. कारागृह विभागाचे अधिकारी व कर्मचारी उपस्थित राहणार आहेत. सोमवार १ डिसेंबर रोजी दुपारी १.३० वाजता हा कार्यक्रम होणार आहे.
कारागृह विभागाने अधीक्षक व इतर अधिकारी व कर्मचारी यांची नियुक्ती केली आहे. मात्र त्यांनी मोठा निष्काळजीपणा दाखविल्याने कोणालाही कल्पना देण्यात आली नाही. एवढा मोठा कार्यक्रम अतिशय गुपचुप व सर्वच लोकप्रतिनिधींना टाळून होणार असल्याचे खात्रीलायक सूत्रांनी सांगितले. कार्यक्रमाची पत्रिकाही छापण्यात आली नाही. शासनाच्या माहिती कार्यालयालाही या कार्यक्रमाची कल्पना देण्यात आली नाही. कारागृह अधीक्षक गीते व त्यांचे सहकारी पाटील यांनी कार्यक्रमाची गुप्तता पाळल्याने आश्चर्य व्यक्त होत आहे. सायंकाळपर्यंत सर्वच माहिती गुप्त ठेवण्यात आली. कार्यक्रमाचे आयोजन करण्यावरून वाद झाल्याचे खात्रीलायक सूत्रांनी सांगितले. (प्रतिनिधी)