छत्रपती संभाजीनगर : भाजपने महापालिकेत बहुमत मिळविले असले तरी शहराचे हृदयस्थान म्हणून ओळख असलेल्या गुलमंडीत मात्र भाजपला प्रवेश मिळविता आला नाही. शिंदेसेना, उद्धवसेनेने ‘अंडरस्टॅण्डिंग’मध्ये हा गड राखला तर एमआयएमने पहिल्यांदाच गुलमंडीवर आपले वर्चस्व प्रस्थापित केले.
गुलमंडीत भाजपने मिथुन व्यास, जयश्री व्यास, बंटी चावरिया, मोनाली पाटणी यांना उमेदवारी दिली होती. शिंदेसेनेकडून मिलाप चावरिया, प्राजक्ता परदेशी, प्रीती तोतला, ऋषिकेश जैस्वाल यांना उमेदवारी देण्यात आली होती. उद्धवसेनेने सचिन खैरे, सोनल जैस्वाल, रीना रिडलॉन आणि लक्ष्मीनारायण बाखरिया यांना उमेदवारी दिली होती. राष्ट्रवादी (अजित पवार)ने विजेता चावरिया, निशिगंधा इंगळे, प्रमोद नरवडे यांना मैदानात आणले होते, तर सुमित जमधडे, तरन्नुम अकील, नूरजहान इक्बाल, मोहंमद जोहेब यांना एमआयएमने मैदानात आणले होते. यातील भाजपला एकही जागा जिंकता आली नाही. शिंदेसेनेचे जैस्वाल यांचा निसटता विजय झाला. उर्वरित तीन जागा पडल्या. राष्ट्रवादीच्या हाताला या प्रभागात काहीही लागले नाही, तर एमआयएमने दोन जागा मिळवत सर्वांना धक्का दिला.
दोन वेशींवर भाजपला यश
शहराच्या चारही वेशींपैकी दोन वेशीवर भाजपला यश मिळाले नाही. चिकलठाणा, हर्सूल, पैठण रोड आणि पैठण रोड व पडेगाव-नगर नाका परिसरातील प्रभागांत शिंदेसेना आणि उद्धवसेनेने भाजपला रोखले. पैठण रोड परिसरात शिंदसेनेने बाजी मारली. पडेगाव-नगर नाका प्रभागात उद्धवसेना व शिंदेसेनेने गड राखला. हर्सूल आणि चिकलठाणा प्रभागात भाजपला यश मिळाले.
Web Summary : Despite Aurangabad's majority, BJP lost Gulmandi, the city's heart. Shinde Sena, Uddhav Sena held ground. MIM gained a foothold. BJP failed in two city entrances, while Shinde Sena and Uddhav Sena won Paithan Road and Padegaon-Nagar Naka respectively.
Web Summary : औरंगाबाद में बहुमत के बावजूद, बीजेपी गुलमंडी हार गई, जो शहर का दिल है। शिंदे सेना, उद्धव सेना ने मैदान संभाला। एमआईएम ने पैठ बनाई। बीजेपी को दो शहर के प्रवेश द्वारों पर हार मिली, जबकि शिंदे सेना और उद्धव सेना ने पैठन रोड और पडेगांव-नगर नाका में जीत हासिल की।