वीज कर्मचार्‍यांचे उपोषण सुरू

 जालना : वीज कर्मचार्‍यांच्या प्रलंबित मागण्यांसाठी वर्कर्स फेडरेशनच्या वतीने मस्तगड येथील कार्यकारी अभियंता विभाग क्र. १ यांच्या कार्यालयासमोर मंगळवारपासून बेमुदत उपोषण सुरू करण्यात आले. कामगार विरोधी धोरणास वीज कामगार त्रस्त झाले असून, निलंबन, चार्जशीट, दंडात्मक कारवाई असे प्रकार सुरू आहेत. त्यामुळे कामगारांमध्ये प्रचंड तणाव असून, त्यांचे मनोधैर्य खचले आहे. कामगारांच्या प्रलंबित प्रश्नांसाठी व कामगारांवरील अन्यायाबाबत वेळोवेळी पत्रव्यवहार करण्यात आला आहे. मात्र, वरिष्ठ अधिकार्‍यांकडून या पत्रांना केराची टोपली दाखविण्यात आली, असा आरोप फेडरेशनने केला आहे. ओ.टी. बिले, लाँग स्टे कर्मचार्‍यांच्या बदल्या, अन्यायकारक बदल्या या प्रमुख प्रश्नांवर लक्ष वेधण्यासाठी उपोषणाचे हत्यार उगारण्यात आले असल्याचे फेडरेशनने नमूद केले आहे. दरम्यान उपोषणाचा पहिला टप्पा असून, आगामी काळात आंदोलन तीव्र करण्यात येईल, असा इशाराही देण्यात आला आहे. मराठवाडा संघटक पी.एम. कुलकर्णी, झोनल अध्यक्ष जे.डी. डोळसे, उपझोन सचिव अर्जुन लहाने हे या उपोषणाचे नेतृत्व करीत आहेत. उपोषणात अयाज खान पठाण, बी.टी. कातकडे, सर्जेराव भांदरगे, आर.उी. पुंगळे, एस.के. चित्राल, एस.बी. खरात, संदीप केरकर, बी.एल. जगताप, एन.आर. धायडे, शोभालाल कनिसे, संजय राठोड, आर.आर. लांडगे, एन.जे. पळशे, प्रफुल देगावकर, एन.एम. घुगे, एस.आर. चव्हाण, रतन धोंगडे, अनिल कड आदींसह कर्मचारी सहभागी झाले आहेत. (प्रतिनिधी)