अर्धापूर नगराध्यक्षपदासाठी चुरस

अर्धापूर : अर्धापूर नगर पंचायतीत खुल्या प्रवर्गासाठी आरक्षण झालेल्या नगराध्यक्षपदासाठी चुरस निर्माण झाली आहे़

 अर्धापूर : भोकर मतदारसंघात क्रमांक एकवर असलेल्या अर्धापूर ग्रामपंचायतचे डिसेंबर २०११ मध्ये नगर पंचायतीत रुपांतर झाले़ सर्वसाधाण महिलेसाठी राखीव असलेल्या नगराध्यक्षपदाचा अडीच वर्षाचा कार्यकाळ एक महिन्यात संपणार असून आगामी खुल्या प्रवर्गासाठी आरक्षण झालेल्या नगराध्यक्षपदासाठी चुरस निर्माण झाली आहे़ डिसेंबर २०११ मध्ये पार पडलेल्या नगरपंचायतच्या सार्वत्रिक निवडणुकीत १७ जागांपैकी ३ जागा राष्ट्रवादी काँग्रेस व उर्वरित १४ जागा काँग्रेसने जिंकून नगर पंचायतीत निर्विवाद बहुमत पटकावले़ त्यानुसार प्रथम नगराध्यक्षाचा मान रेखाताई काकडे यांनी मिळविला़ तत्कालीन मुख्यमंत्री अशोकराव चव्हाण यांनी त्यांच्या मतदारसंघातील या नगरपंचायतीसाठी कोट्यवधी रुपयाचा निधी दिला़ पण नगरसेवकांमध्ये ग्रामपंचायत स्तरावरील काम करण्याची मानसिकता बदलण्यास बराच वेळ लागला़ तसेच नियोजनअभावी रेखाताई काकडे यांना आपल्या अडीच वर्षाच्या नगराध्यक्ष पदाच्या कारकिर्दीत आपला ठसा कायम राहील असे कोणतेही काम केले नसल्याचा आरोप होतो़ आजपर्यंत अर्धापूरच्या राजकारणात ग्रा़पं़ पासून सरपंच हिंदू धर्माचा असेल तर उपसरपंच मुस्लिम धर्माला, सरपंच सरपंच मुस्लिम धर्माचा असेल तर उपसरपंच हिंदू धर्माला देवून सर्वच गटाच्या नागरिकांनी सामाजिक एकात्मता जोपासली़ त्या अनुषंगाने प्रथम नगराध्यक्षपदी रेखाताई काकडे यांची निवड झाली़ तर उपनगराध्यक्षपदी मिर्झा अखतरउल्ला बेग यांची निवड झाली़ आगामी नगराध्यक्ष पदासाठी व्यंकटेश उर्फ राजू शेट्टे, बांधकाम समिती सभापती नासेरखान पठाण व अ़ मुसव्वीर खतीब हे तिघेजण शर्यतीत आहेत़ नुकत्याच पार पडलेल्या लोकसभा निवडणुकीत शहरात पडलेले मतदान व आगामी विधानसभा निवडणूक डोळ्यासमोर ठेवून पक्षश्रेष्ठी नगराध्यक्षपदी कोणाची निवड करेल, याकडे संपूर्ण भोकर मतदारसंघाचे लक्ष लागले आहे़ (वार्ताहर) १७ पैकी ९ सदस्य महिला आहेत़ नगराध्यक्ष पद खुल्या प्रवर्गासाठी राखीव आहे़ पहिल्या टप्प्यात महिलेला नगराध्यक्षपदी संधी देण्यात आली़ म्हणून उत्तरार्धात पुरूष सदस्यास नगराध्यक्षपदी प्राधान्य देण्यात येणार असल्याचे समजते़ सुरुवातीला पुरेसा कर्मचारी वर्ग नव्हता़ मुख्याधिकारी नव्हते़ या अडचणीमुळे काही काम करता आले नाही़ पण श्रेष्ठींनी एकवार परत संधी दिल्यास नगराध्यक्षपदासाठी मी इच्छुक आहे - रेखाताई काकडे, नगराध्यक्षा सर्वसामान्य नागरिकांची कामे करणारा सक्षम नगराध्यक्ष निवडावा - संतोष कल्याणकर, नागरिक केवळ नावासाठी नगराध्यक्ष पद न भूषविता जनतेच्या समस्या सोडवण्यासाठी वेळ देणारा नगराध्यक्ष निवडा - शेख शबाना, सामाजिक कार्यकर्ती, अर्धापूर