केज तालुक्यात ८५ बोअर अधिग्रहित

मधुकर सिरसट ,  केजमागील वर्षीच्या तुलनेत यावर्षी तालुक्यात पाणीप्रश्न कमी भासला आहे. केज तालुक्यातील ३६ गावच्या पाणीटंचाईसाठी ८५ बोअरचे अधिग्रहण करण्यात आले आहे. त्याच्या माध्यमातून सहा गावांना ८ टँकरद्वारे पाणीपुरवठा करण्यात येत आहे. ३८ गावांसाठी ८५ बोअरचे अधिग्रहण करण्यात आलेल्या गावांत सुकळी, भोपला, वरपगाव, कापरेवाडी, सादोळा, मोटेगाव, तरनळी, उमरी, पाथरा, सेलगाव, गांजी, समदना, आरणगाव, शिरूरघाट, बोबडेवाडी, सोनीजवळा, साबला, कोठी, चिंचोली माळी, डोका कासारी, लाखा, हादगाव, शिरपुरा, काशिदवाडी, तांबवा, नायगाव, दैठणा, नाव्होली, ढाकेफळ, औरंगपूर, मांगवडगाव, सातेफळ, कवेड, वाघेबाभूळगाव, धर्माळा आदी गावांचा समावेश आहे.पाच बोअरच्या अधिग्रहण मंजुरीसाठी तहसीलदार केज यांच्याकडे प्रस्ताव सादर करण्यात आलेला आहे. पाच बोअरच्या अधिग्रहणासाठी क्षेत्रीय अधिकाऱ्यांना पाहणी अहवाल सादर करण्याचे आदेश देण्यात आले आहेत. यामध्ये दरडवाडी, धनेगाव, बनकरंजा, विडा, देवगाव टाकळी, जातेगाव, सोनेसांगवी या आठ गावांचा समावेश आहे. इनामदार यांनी घेतले ११ बोअरभाजपाचे प्रदेश सचिव तथा केज पंचायतीचे विरोधी गटनेते हारूण इनामदार यांनी त्यांचे वडील हाजी चांदपाशा इनामदार यांच्या स्मरणार्थ केज शहरात कोकीस पीर, गणेशनगर, फुलेनगर, दर्ग्या शेजारची वस्ती, खुरेशी मोहल्ला, दर्गारोड, अलाउद्दीन नगर, कळंबरोड, दर्गा मसजिद समोर, इनामदार वस्ती आणि धानोरा खुर्द येथे एक अशा बोअरचे खोदकाम आणि त्यावर स्वखर्चाने कृषीपंप टाकल्यामुळे पाणीटंचाईची समस्या कमी करण्यात त्यांनी मोठा हातभार लावला. एक महिन्यापासून एका टँकरद्वारे दररोज सहा ते सात टँकर पाणी केजच्या विविध भागात मागणीप्रमाणे त्यांच्या वतीने पुरविण्यात येत होते. ज्या भागात पाणीटंचाईच्या झळा जाणवू लागल्या होत्या, अशा भागात इनामदार यांनी स्वखर्चाने टँकरद्वारे पाणीपुरवठा करून या पाणीटंचाईच्या झळा कमी केल्या. नागरिकांच्या मागणीनुसार टँकरची संख्याही वाढविण्यात आली असल्याचे इनामदार यांनी सांगितले. अख्खा उन्हाळा पाणीटंचाईतचकेजकरांनी जानेवारी ते मे या पाच महिन्यात केजकरांना पाणीटंचाईच्या झळा सोसाव्या लागल्या. शहरातील नागरिकांना पाणी विकत घेऊन पिण्याची वेळ आली होती. प्रशासनाकडून वेळोवेळी पाणी प्रश्न सोडविण्यासाठी प्रयत्न करण्यात येते होते. मात्र त्यांना केजकरांचा पाणीप्रश्न कायमचा निकाली लावण्यात अपयश आले. या गावांसाठी दिले पाण्याचे टँकरकेज तालुक्यातील तीव्र पाणीटंचाई भासत असलेल्या गावांना टँकरद्वारे पाणीपुरवठा करण्यात येत आहे. यामध्ये एकुरका -१, युसुफवडगाव २, दहिफळ वडमावली २. कोळगाव घाट १, सावळेश्वर १, लाडेगाव १ या सहा गावांना १ शासकीय आणि ७ खाजगी अशा ८ टँकरद्वारे पाणीपुरवठा करण्यात येत असल्याची माहिती पाणीटंचाई विभाग प्रमुख अशोक वाघमारे यांनी ‘लोकमत’शी बोलताना दिली.पाच गावातील टँकरच्या मागणीचा प्रस्ताव गटविकास अधिकाऱ्यांच्या स्वाक्षरीसाठी ठेवण्यात आला आहे. तर तहसीलदार यांच्याकडे स्थळ पाहणी अहवालसाठी पाच गावांची यादी सादर करण्यात आली आहे.