गणेश उत्सवाकरिता पोलीस प्रशासन सज्ज

मंगलमय व भक्तिपूर्ण वातावरण निर्माण करून सामाजिक ऐक्य अबाधित राखून गणेश उत्सव साजरा करण्यात यावा, ..

ध्वनीप्रदूषण करणाऱ्यांवर कारवाई होणार : गणेश मंडळांच्या पदाधिकाऱ्यांची बैठकलोकमत न्यूज नेटवर्कचंद्रपूर : मंगलमय व भक्तिपूर्ण वातावरण निर्माण करून सामाजिक ऐक्य अबाधित राखून गणेश उत्सव साजरा करण्यात यावा, यासाठी जिल्हा पोलीस मुख्यालयात जिल्हा शांतता समिती तसेच जिल्ह्यातील गणेश मंडळांच्या पदाधिकाऱ्यांची बुधवारी बैठक पार पडली. या बैठकीमध्ये मंडळ पदाधिकारी यांना गणेश उत्सव १० दिवसाच्या कालावधीत काय करावे, याबाबत मार्गदर्शन करण्यात आले़न्यायलयाच्या आदेशानुसार ध्वनी प्रदुषण करणाऱ्या डी़जे़ वापरावर बंदी घालण्यात आली आहे. येणारा गणेशउत्सव शांतपणे सौहार्दपूर्ण वातावरणात साजरा व्हावा, याकरिता पोलीस प्रशासनाचे विशेष लक्ष आहे़ गणेश उत्सवदरम्यान कायदा व सुव्यवस्था अबाधित राखण्यासाठी मोठ्या प्रमाणात पोलीस बंदोबस्त लावण्यात येणार आहे़ ध्वनी प्रदूषणावर आळा घालण्यासाठी पोलीस प्रशासनातर्फे विशेष पथकाद्वारे करडी नजर ठेवण्यात येणार आहे़ गतवर्षी गणेश विर्सजन मिरवणुकीमध्ये ध्वनी प्रदूषण करणाऱ्या २२ गणेश मंडळावर कारवाई करण्यात आली होती़ डीजे वापरावर पूर्णत: बंदी आल्यामुळे यावेळी मिरवणुकी दरम्यान कुणीही डिजेचा वापर करणार नाही, असे आवाहन पोलीस प्रशासनातर्फे करण्यात आले आहे़ ध्वनी प्रदूषण करून न्यायालयीन आदेशाचे उल्लंघन करणाऱ्या गणेश मंडळावर कठोर कारवाई करण्यात येणार आहे़ याबाबत गणेश मंडळाच्या पदाधिकाऱ्यांना बैठकीमध्ये पोलीस अधीक्षक नियती ठाकर यांनी माहिती दिली आहे़सर्वांनी ध्वनीप्रदूषण रोखण्याची जबाबदारी स्वीकारावीध्वनी प्रदूषण कमी करण्यासाठी पोलीस विभागातर्फे जनजागृतीकरिता विविध ठिकाणी फ्लेक्स लावण्यात आले आहे़ ध्वनी प्रदूषण कमी करणे ही प्रशासनाचीच नाही तर समाजाची सुध्दा जबाबदारी आहे़ ध्वनी प्रदूषण कायद्याचे पालन करणे प्रत्येक नागरिकांचे प्राथमिक कर्तव्य आहे़ गणेश उत्सवाच्या सुरूवातीपासूनच डीजे न वापरण्यास सुरूवात करून पुढे कोणत्याही प्रकारच्या कार्यक्रम आणि सण उत्सवादरम्यान कोणीही डिजे वाजविणार नाही, हा संकल्प करून प्रत्येकाने सहकार्य करण्याचे आवाहन बैठकीदरम्यान करण्यात आले.