नागभीड तालुक्याची पैसेवारी ५० टक्क्यांच्या आत

नागभीड तालुक्यात महसुली व रिठी मिळून १३८ गावे आहेत. या गावात २७ हजार ८०७ हेक्टर क्षेत्र लागवडीखालील आहे. यापैकी २७ हजार ६५८ हेक्टर क्षेत्रात पेरणी करण्यात आली. बहुतेक क्षेत्रात धानाचीच पेरणी होती. या वर्षी या हंगामाच्या सुरुवातीपासूनच पावसाने आपला इंगा दाखविला. तालुक्याची पावसाची सरासरी १२५६ मिमी असून, संबंध हंगामात तो केवळ तो केवळ ४६५.८ मिमी एवढाच पडला. यावरही मात करत शेतकऱ्यांनी रोवणी आटोपली. मात्र, धान पीक अंतिम टप्प्यात आले असताना, या पिकावर विविध रोगांनी आक्रमण केले आणि शेतकऱ्यांचे स्वप्न पार धुळीस मिळविले. या पार्श्वभूमीवर या पिकाची महसूल विभागाकडून नुकतीच अंतिम पैसेवारी जाहीर करण्यात आली. संबंध तालुक्याची पैसेवारी ५० टक्क्यांच्या आत असल्याने शेतकऱ्यांच्या शासनाकडून अपेक्षा वाढल्या आहे.