चंद्रपूर : कोरोनाच्या प्रादूर्भावामुळे ९ ते १२ वीचे वर्ग वगळता अजूनही शाळा सुरु झाली नाही. त्यामुळे मुलांचा भविष्याची चिंता पालकांना सतावत आहे. दरम्यान, राज्य शैक्षणिक संशोधन व प्रशिक्षण परिषद पुणे यांच्यातर्फे राज्यभरात स्वाध्यान, स्टुडंट व्हॅटॲप बेस्टड डिजीटल होम असायमेंट योजना सुरु करण्यात आली आहे. या उपक्रमामध्ये सर्वाधिक सहभाग वरोरा तालु्क्यातील विद्यार्थ्यांनी घेतला आहे. दरम्यान, दुर्गम समजल्या जाणाऱ्या आणि विशेषत: मोबाईल नेटवर्कची समस्या असलेल्या जिवती तालुक्यानेही अनेक तालुक्यांना मागे टाकत आम्हीही कुठेही मागे नाही, असेच दाखवून दिले आहे.
पहिली ते दहावीपर्यंत मराठी तसेच सेमी इंग्रजीच्या वर्गासाठी राज्य शैक्षणिक संशोधन व प्रशिक्षण परिषद पुणेने प्रश्नमंजुषा उपक्रम सुरु केला आहे. या उपक्रमाद्वारे विद्यार्थ्यांना आठवड्यातून एकदा व्हॅटॲपद्वारे प्रश्न पाठवून ते सोडवून घेतले जात आहे. विशेष म्हणजे, योग्य की, अयोग्य यासंदर्भातही वेळीच उत्तर मिळत असल्याने विद्यार्थ्यांना हा अभ्यासक्रम सोप्या पद्धतीचा वाटत असल्याने अधिकाधिक विद्यार्थी यात सहभाग घेत आहेत.
बाॅक्स
बालकदिनापासून उपक्रम सुरु
स्वाध्याय योजनेचा उपक्रम राज्य शैक्षणिक व संशोधन व प्रशिक्षण परिषदेने राज्यभरातील विद्यार्थ्यांसाठी बालकदिनापासून उपक्रम सुरु केला आहे. प्रत्येक आठवड्याला भाषा आणि गणित विषयावर दहा प्रश्न विद्यार्थ्यांच्या मोबाईलवर पाठविल्या जाते. त्या -त्या वर्गातील विद्यार्थी आलेले प्रश्न सोडवून शाळेत न जाताच पाठ्यक्रम पुर्ण करण्याचा प्रयत्न करीत आहेत.
बाॅक्स
यामाध्यमातून सुरु आहे शिक्षण
ऑनलाईन अध्यापन, गोष्टींचा शनिवार, शाळेबाहेरची शाळा, गटागटांमध्ये अध्यापन, चावडीवरील शाळा, मिस काॅल करा गोष्ट ऐका, मिशन मॅथेमॅटिक या माध्यमातून विद्यार्थ्यांना शिक्षणाची आवड निर्माण करण्याचा प्रयत्न शिक्षण विभागाकडून केल्या जात आहे.
बाॅक्स
शिक्षण समितीमध्ये कौतुक
जिल्हा परिषद शिक्षण समितीच्या सभेमध्ये स्वाध्याय योजनेसंदर्भात राज्यात चंद्रपूर प्रथम असल्याची माहिती शिक्षणाधिकारी दीपेंद्र लोखंडे यांनी दिली. यावेळी जिल्ह्यातील सर्व गटशिक्षणाधिकारी, केंद्रप्रमुख, शिक्षक तसेच डायटचे जिल्हा परिषद उपाध्यक्ष तसेच शिक्षण समिती सभापती रेखा कारेकर यांनी कौतुक केले. दरम्यान, अधिकाधिक विद्यार्थ्यांना यामध्ये जोडण्याचा प्रयत्न करण्याचे आवाहनही त्यांनी यावेळी केले.--
कोट
-धनंजय चाफले
प्राचार्य, डायट चंद्रपूर
चवथ्या आठवड्याची चंद्रपूर जिल्ह्यातील स्थीती
बल्लारपूर २२६३
भद्रावती ४ ५६४़
ब्रह्मपुरी ४८४९
चंद्रपूर ५१६५
मूल १५११
नागभीड ५८८५
पोंभूर्णा ११३०
राजुरा ३७३२
चिमूर ३४३२
गोंडपिपरी १६३६
जिवती ३०८५
कोरपना १६२०
सावली १९३६
सिंदेवाही २२३०
वरोरा ६६१४