उत्कृष्ट नियोजनामुळेच जिल्हा ग्रीन झोनमध्ये

कोरोना संकटावर मात करण्यासाठी सेवानिवृत्त वैद्यकीय अधिकारी, कर्मचारी यांचे पथक तयार ठेवण्याच्या सूचना देखील त्यांनी जिल्हा प्रशासनाला दिल्या आहेत. जिल्हा मध्यवर्ती कारागृह येथे भेट देऊन कैद्यांची तपासणी, त्यांना मास्क व सॅनिटायझरचा पुरवठा करण्याचे निर्देश त्यांनी दिले. अत्यावश्यक सेवेतील सर्व अधिकारी व कर्मचारी जे जीवावर उदार होून अहोरात्र काम करीत आहेत त्यांच्यासाठी दुप्पट वेतन देण्याची आग्रही मागणी खा. बाळू धानोरकर यांनी मुख्यमंत्री उद्धव ठाकरे यांच्याकडे केली आहे.

ठळक मुद्देखासदार : कोरोनाच्या संकटकाळात गरजवंतांना मदतीचा हात

लोकमत न्यूज नेटवर्कचंद्रपूर : महाराष्ट्राची रेड, आरेंज व ग्रीन अशा तीन झोनमध्ये विभागणी करण्यात आली असून चंद्रपूर जिल्हा ग्रीन झोनमध्ये आहे. चंद्रपूर जिल्हा प्रशासनाचे उत्कृष्ट नियोजन व या कामी कार्यरत आरोग्य, पोलीस, सफाई, कोल, वीज या अत्यावश्यक सेवांमधील सर्व अधिकारी, कर्मचाऱ्यांचे खासदार सुरेश उर्फ बाळू धानोरकर यांनी कौतुक केले आहे. सोबतच लॉकडाऊनमुळे गोरगरिबांचे हाल होऊ नये म्हणून त्यांना मदतीचा हातही दिला आहे.खा. धानोरकर यांनी कोरोना संकटाशी लढा देण्यासाठी आपल्या खासदार स्थानिक विकास निधीअंतर्गत ५० लाख रुपये मंजूर केले व वेकोलीतर्फे देखील चंद्रपूर, यवतमाळ जिल्ह्याला प्रत्येकी २५ लाख रुपये मिळवून दिलेत. आमदार प्रतिभा धानोरकर यांनीदेखील स्थानिक निधीमधून ५० लाख रुपये मंजूर केले आहेत. कोरोना विषाणूवर प्रतिबंधक उपायायोजनाबाबत खा. बाळू धानोरकर हे जिल्हाधिकारी, डॉ. कुणाल खेमणार, मुख्य कार्यकारी अधिकारी राहुल कर्डीले, वैद्यकीय अधिष्ठाता डॉ. मोरे, जिल्हा शल्य चिकित्सक डॉ. निवृत्ती राठोड, जिल्हा आरोग्य अधिकारी डॉ. गहलोत, चंद्रपूर शहर मनपा आयुक्त राजेश मोहिते यांच्याशी सातत्याने संपर्क व आढावा बैठकीच्या माध्यमातून माहिती घेत मार्गदर्शक सूचनाही दिल्या आहेत.२ एप्रिलपासून लोकसभा क्षेत्रातील सर्व सहा विधानसभा क्षेत्रात दररोज १२ हजार फूड पॅकेटस वितरित होत आहे. यात मागणीनुसार अतिरिक्त फूड पॅकेट्सदेखील पुरवठा करण्यात येत आहे. आतापर्यंत १५ हजार कुटुंबापर्यंत धान्य पुरवठा केलेला असून आता लॉकडाऊन कालावधी ३० एप्रिलपर्यंत झाल्याने पुन्हा १५ हजार धान्य किट वाटप करण्याची तयारी खा. धानोरकर यांनी केली आहे.याबरोबरच वेकोली वणी क्षेत्र कार्यालय येथे सायवन गावातील स्त्री-पुरुषांना धान्य किट वाटप त्यांनी केले. तसेच उडिया मोहदा येथील गरीब कुटुंबाच्या मदतीला ते धाऊन गेले व तेथे औषधीसाठी अर्थसहाय्य व धान्य वाटप करुन मनपा प्रशासनाला सूचना करुन तेथील १०४ गरजू कुटुंबांना धान्य वाटप किट त्वरित उपलब्ध करुन दिला. भद्रावती, मूल येथे शिवभोजन केंद्र नव्याने सुरु करण्यास पुढाकार घेत खा. धानोरकर यांनी वरोरा येथे अतिरिक्त शिवभोजन केंद्र मंजूर केले.कोरोना संकटावर मात करण्यासाठी सेवानिवृत्त वैद्यकीय अधिकारी, कर्मचारी यांचे पथक तयार ठेवण्याच्या सूचना देखील त्यांनी जिल्हा प्रशासनाला दिल्या आहेत. जिल्हा मध्यवर्ती कारागृह येथे भेट देऊन कैद्यांची तपासणी, त्यांना मास्क व सॅनिटायझरचा पुरवठा करण्याचे निर्देश त्यांनी दिले. अत्यावश्यक सेवेतील सर्व अधिकारी व कर्मचारी जे जीवावर उदार होून अहोरात्र काम करीत आहेत त्यांच्यासाठी दुप्पट वेतन देण्याची आग्रही मागणी खा. बाळू धानोरकर यांनी मुख्यमंत्री उद्धव ठाकरे यांच्याकडे केली आहे.