बाल विकास मंचचतर्फे २७ डिसेंबरला वेशभूषा आणि डॉयलाग अ‍ॅक्ट (फिल्मी) स्पर्धेचे आयोजन

लोकमत बालविकास मंच चंद्रपूरच्यावतीने २७ डिसेंबरला ख्रिसमस स्पेशल वेशभूषा आणि डायलॉग अ‍ॅक्ट (फिल्मी) स्पर्धेचे आयोजन करण्यात आले आहे.

ख्रिसमस स्पेशल : सरदार पटेल महाविद्यालयात आयोजनचंद्रपूर: लोकमत बालविकास मंच चंद्रपूरच्यावतीने २७ डिसेंबरला ख्रिसमस स्पेशल वेशभूषा आणि डायलॉग अ‍ॅक्ट (फिल्मी) स्पर्धेचे आयोजन करण्यात आले आहे.सदर कार्यक्रम स्थानिक सरदार पटेल महाविद्यालयाच्या सभागृहात सकाळी ११ वाजता घेण्यात येणार असून यावेळी बालविकास मंचच्य सदस्यांना कार्यक्रमात नि:शुल्क प्रवेश मिळणार असून स्पर्धकांनी बाल विकास मंचचे ओळखपत्र आणणे अनिवार्य आहे. इच्छुकांनी लगेच दूरध्वनीवर नोंदणीकरण करायची आहे. वेशभूषा स्पर्धेकरिता १ मिनिटांचा वेळ असून विषय खुला आहे. तसेच डॉयलॉग अ‍ॅक्टचे १ मिनिटांचे सादरीकरण करायचे असून हिंदी, मराठी चित्रपटातील कुठल्याही प्रकारच्या चित्रपटाचे पात्र स्पर्धकांना रंगवता येईल. प्रथम, द्वितीय, तृतिय सोबतच त्या व्यतिरिक्त पाच प्रोत्साहपर बक्षिसे देण्यात येतील. तसेच परीक्षकांनी दिलेला निर्णय अंतिम राहणार आहे. नियम व अटी आयोजकांनी राखून ठेवलेले आहे. अधिक माहितीसाठी बाल विकास मंच व युवा नेक्स्टचे जिल्हा संयोजक सुरज गुरुनुले (९४४५१९८७५२) यांच्याशी संपर्क साधावा. वेळेवर येणे अनिवार्य असून उशिरा आलेल्या स्पर्धकांना प्रवेश दिला जाणार नाही. वयोगट पाच ते आठसाठी अ गट आणि ९ ते १५ साठी ब गट अशा दोन गटात स्पर्धा घेण्यात येतील. (शहर प्रतिनिधी)