जिवती : जिवती-शेणगाव मुख्य मार्गावर महावितरण विभाग व तहसील कार्यालय इमारतींसमोर सीसीटीव्ही कॅमेरे लागलेले आहेत. मात्र वीज खांबांवर दिवेच नसल्याने रात्रीच्या सुमारास या मार्गावर नागरिकांना रहदारीला अडचणी येत आहेत. मग सीसीटीव्ही कोणत्या कामाचे, असा सवाल उपस्थित केला जात आहे.
मुख्य रस्त्यावरील वीज खांबांवर दिवे बसविण्यात यावेत, यासाठी ११ ऑगस्ट २०२१ ला नगरपंचायत मुख्याधिकारी यांच्याकडे अर्ज करण्यात आला. त्याचा नोंदणी क्रमांक ९४९ असा आहे. परंतु आठवडा जाऊनही स्थानिक प्रशासनाला जाग आलेली नाही, असे दिसते. अर्ज करूनही कोणताही अधिकारी वा कर्मचारी पाहणी करायला आलेला नाही. स्थानिक नगर पंचायत प्रशासनाला सामान्य नागरिकांच्या समस्या दिसत नाहीत का, लोकप्रतिनिधी नसला, तर प्रशासन कामच करणार नाही का, असे प्रश्न जिवतीच्या नागरिकांना पडत आहेत. स्थानिक नगरपंचायतीच्या मुख्याधिकाऱ्यांनी अर्जाकडे लक्ष घालावे आणि वीज खांबांवर दिवे बसवावेत, अशी मागणी नागरिकांनी केली आहे.
180821\img_20210818_111252.jpg
तहसील समोरील पथ दिवे नसलेले खांब.