लॉकडाऊन नियमांचे उल्लंघन करणाऱ्यांवर कारवाई

संपूर्ण राज्यात कोरोनाने थैमान घातले आहे. शासनाने काही प्रमानात शिथिलता देत दैनंदिन व्यवहार सुरळीत करण्याचे प्रयत्न सुरू आहेत. असे असताना मात्र शासनाने नागरिकांना मास्क लावणे, शारीरिक अंतराचे पालन करणे, सार्वजनिक ठिकाणी थुंकू नये आदी नियमांचे काटेकोरपणे पालन करण्यास सांगितले आहे. मात्र अनेकजण नियमांचे उल्लंघन करीत आहेत.

ठळक मुद्देसावली नगर पंचायत। २८ हजार रुपयांचा दंड वसूल

लोकमत न्यूज नेटवर्कसावली : दैनंदिन व्यवहार सुरळीत करण्यासाठी शासनाने लॉकडाऊन शिथिल केले असले तरी काही नियमावली ठरवून दिली आहे. या नियमांचे उल्लंघन करणाऱ्यांवर सावली नगरपंचयातीच्या वतीने कारवाई करण्यात असून त्यांच्याकडून २८ हजार रूपयांचा दंड वसूल करण्यात आला आहे.संपूर्ण राज्यात कोरोनाने थैमान घातले आहे. शासनाने काही प्रमानात शिथिलता देत दैनंदिन व्यवहार सुरळीत करण्याचे प्रयत्न सुरू आहेत. असे असताना मात्र शासनाने नागरिकांना मास्क लावणे, शारीरिक अंतराचे पालन करणे, सार्वजनिक ठिकाणी थुंकू नये आदी नियमांचे काटेकोरपणे पालन करण्यास सांगितले आहे. मात्र अनेकजण नियमांचे उल्लंघन करीत आहेत. ही बाब लक्षात घेता मुख्याधिकारी मनिषा वजाळे यांच्या नेतृत्वात नगर पंचायतीने नियमांचे उल्लंघन करणाºयांना दणका देण्यास सुरूवात केली आहे. याअंतर्गत, नगर पंचायतने मास्कचा वापर न करता फिरणाºया ५० जणांवर कारवाई करुन प्रत्येकी २०० याप्रमाणे दहा हजार रुपये दंड वसूल केला आहे.सर्व दुकाने ९ वाजता सुरु करुन ५ वाजता बंद करण्याचे निर्देश असताना अनेकजण ९ वाजतापूर्वीच सुरु करतात व पाच वाजतानंतरही सुरु ठेवतात अशा ९ व्यावसायिकांकडून प्रत्येकी दोन हजार रुपये असा एकूण १८ हजार रुपये दंड वसूल केला आहे. सततच्या या कारवाईने व्यावसायिकांच धाबे दणाणले आहेत. ही कारवाई नगरपंचायतचे करनिर्धारन शंकर नन्नावरे यांच्या मार्गदर्शनात लिपिक रतन ठाकूर, लिपिक इंद्रजित गेडाम, अनिल बुगदलवार, रोहित शुक्ला, ब्रिजेश तावाडे, अविनाश राऊत यांच्यासह नगरपंचायतीच्या कर्मचाºयांनी केली.प्रशासनाला सहकार्य करानागरिकांनी आपल्या आरोग्याची काळजी घेत कामाशिवाय घरा बाहेर निघू नये. अत्यंत महत्वाचे काम असल्यासच बाहेर पडावे व मास्कचा वापर करावा. गर्दीच्या ठिकाणी जाण्यास टाळावे, रेड, झोन मधून आलेल्या नागरिकांनी आपली तापासणी करून घ्यावी. कोरोनाची लक्षणे आढळल्यास त्वरीत प्रशासनाला कळवून सहकार्य करावे.- मनिषा वजाळे, मुख्याधिकारी, नगर पंचायत, सावली