भरघोस पगारासह देशसेवेची संधी! भारतीय वायुसेनेची भरती जाहीर; जाणून घ्या महत्वाच्या तारखा...

वायुसेनेत अधिकारी होण्याची सुवर्णसंधी; जाणून घ्या संपूर्ण माहिती

Indian Air Force Notification 2026 : भारतीय वायुसेनेत अधिकारी म्हणून देशसेवा करण्याचे स्वप्न पाहणाऱ्या तरुणांसाठी एक अत्यंत महत्त्वाची बातमी आहे. वायुसेनेने AFCAT-2 अधिसूचना २०२६ प्रसिद्ध केली असून, याद्वारे फ्लाइंग ब्रँच आणि ग्राउंड ड्यूटी (टेक्निकल व नॉन-टेक्निकल) पदांवर भरती केली जाणार आहे. या भरतीसाठी स्त्री आणि पुरुष दोन्ही उमेदवार अर्ज करण्यास पात्र आहेत.

महत्त्वाच्या तारखा आणि प्रशिक्षण

या भरती मोहिमेसाठी ऑनलाइन अर्ज प्रक्रिया २० मे २०२६ पासून सुरू होणार आहे. या प्रक्रियेतून निवडल्या गेलेल्या उमेदवारांचे प्रशिक्षण जुलै २०२७ पासून सुरू होणाऱ्या कोर्समध्ये दिले जाईल. एकूण रिक्त पदांची संख्या अद्याप जाहीर करण्यात आलेली नाही, लवकरच ती अधिकृत वेबसाइटवर अपडेट केली जाईल.

पात्रता आणि वयोमर्यादा 

फ्लाइंग ब्रँच: उमेदवाराचे वय २० ते २४ वर्षांच्या दरम्यान असावे. (ज्यांच्याकडे व्यावसायिक पायलट परवाना - Commercial Pilot License आहे, त्यांना वयोमर्यादेत सवलत दिली जाईल).

ग्राउंड ड्यूटी (टेक्निकल/नॉन-टेक्निकल): उमेदवाराचे वय २० ते २६ वर्षांच्या दरम्यान असणे आवश्यक आहे.

शैक्षणिक पात्रता 

टेक्निकल ब्रँच: उमेदवाराने १२ वी मध्ये भौतिकशास्त्र आणि गणित विषयांसह उत्तीर्ण होणे अनिवार्य आहे. तसेच संबंधित विषयात अभियांत्रिकीची पदवी असणे आवश्यक आहे.

नॉन-टेक्निकल: मान्यताप्राप्त विद्यापीठातून कोणत्याही शाखेतील पदवीधर उमेदवार अर्ज करू शकतात.

निवड प्रक्रिया 

उमेदवारांची निवड खालील टप्प्यांद्वारे केली जाईल:

१. ऑनलाइन लेखी परीक्षा
२. AFSB स्टेज १ चाचणी
३. मानसशास्त्रीय चाचणी 
४. ग्रुप टास्क आणि वैयक्तिक मुलाखत
५. CPSS चाचणी (केवळ फ्लाइंग ब्रँचसाठी)
६. वैद्यकीय चाचणी आणि अंतिम गुणवत्ता यादी

परीक्षा स्वरूप आणि शुल्क

परीक्षा: ऑनलाइन पद्धतीने १०० प्रश्न विचारले जातील. ३०० गुणांच्या या परीक्षेसाठी २ तासांचा वेळ मिळेल. यामध्ये नकारात्मक गुणदान पद्धत लागू असेल.

विषय: इंग्रजी, सामान्य ज्ञान, संख्यात्मक क्षमता, रिझनिंग आणि मिलिटरी ॲप्टिट्यूड.

अर्ज शुल्क: सर्व प्रवर्गातील उमेदवारांसाठी ५५० रुपये शुल्क निश्चित करण्यात आले आहे.

वेतन आणि भत्ते

निवड झालेल्या उमेदवारांची नियुक्ती 'फ्लाइंग ऑफिसर' या पदावर केली जाईल. सुरुवातीचा मूळ पगार ५६,१०० रुपये प्रति महिना असेल. याव्यतिरिक्त, वायुसेनेच्या नियमांनुसार विविध भत्ते आणि इतर सोयी-सुविधा पुरवल्या जातील.

अर्ज कसा करावा? 

१. सर्वप्रथम अधिकृत वेबसाइट afcat.cdac.in वर जा.
२. होम पेजवरील "AFCAT 2 Notification 2026" लिंकवर क्लिक करा.
३. 'न्यू रजिस्ट्रेशन' करून ईमेल आणि मोबाईल नंबरची नोंदणी करा.
४. अर्जात शैक्षणिक आणि वैयक्तिक माहिती अचूक भरा.
५. फोटो, स्वाक्षरी आणि आवश्यक कागदपत्रे अपलोड करून शुल्क भरा.
६. फॉर्म सबमिट करा आणि भविष्यातील संदर्भासाठी प्रिंट काढून ठेवा.