बुलढाणा- जागतिक स्तरावर सुरू असलेल्या युद्धाची झळ आता थेट बुलढाण्यातील उद्योगांना बसू लागली आहे. खामगाव येथील 'शिवांगी बेकर्स', ही कंपनी प्रसिद्ध 'पार्ले-जी' बिस्किटांचे उत्पादन करते, ती गॅसच्या तीव्र टंचाईमुळे गेल्या गुरुवारपासून बंद ठेवण्यात आली आहे. यामुळे इथे काम करणाऱ्या ५०० कामगारांच्या अडचणी वाढल्या आहेत.
उत्पादन का थांबले?
शिवांगी बेकर्समध्ये बिस्किट बनवण्यासाठी लागणारे मोठे ओव्हन पूर्णपणे गॅसवर चालतात. जागतिक युद्धाच्या संकटामुळे व्यावसायिक गॅस पुरवठ्यावर मर्यादा आल्या आहेत, परिणामी कंपनीचा गॅस पुरवठा खंडित झाला आहे. गॅस नसल्यामुळे ग्लुकोज ओव्हनसह संपूर्ण उत्पादन प्रक्रिया थांबवावी लागली आहे.
५०० कामगारांवर संकटाची टांगती तलवार
या कंपनीत सुमारे ५०० हून अधिक कामगार कार्यरत आहेत. उत्पादन बंद राहिल्याने या कामगारांच्या आणि त्यांच्या कुटुंबाच्या उदरनिर्वाहाचा प्रश्न गंभीर झाला आहे. "जर कंपनी लवकर सुरू झाली नाही, तर कामगारांना मोठ्या आर्थिक अडचणींना सामोरे जावे लागेल," अशी भीती व्यक्त केली जात आहे.
बिस्किटे ही जीवनावश्यक वस्तूंच्या श्रेणीत येतात. या कारखान्यातून होणारे उत्पादन थांबल्यामुळे आगामी काळात बाजारपेठेत पार्ले-जी बिस्किटांची कमतरता भासण्याची शक्यता आहे.
उत्पादन ठप्प असल्याने कंपनीला दररोज लाखो रुपयांचे नुकसान सोसावे लागत आहे.
Web Summary : A gas shortage has forced Parle-G biscuit production to halt in Khamgaon, Buldhana. Shivangi Bakers stopped production last Thursday, jeopardizing 500 jobs. The gas crisis, stemming from global conflicts, disrupts oven operations. A Parle-G shortage looms, impacting the local economy and livelihoods.
Web Summary : बुलढाणा के खामगांव में गैस की कमी से पार्ले-जी बिस्किट का उत्पादन रुका। शिवांगी बेकर्स ने गुरुवार को उत्पादन बंद कर दिया, जिससे 500 नौकरियां खतरे में पड़ गईं। वैश्विक संघर्षों से उत्पन्न गैस संकट से ओवन संचालन बाधित। पार्ले-जी की कमी, स्थानीय अर्थव्यवस्था और आजीविका प्रभावित।