संग्रामपूर : येथून जवळच असलेल्या बोडखा येथे २४ वर्षीय विवाहीता सौ.गिता गजानन तळोकार या महिलेने आज घरातच विष प्राशन करून आत्महत्या केल्याची घटना घडली. ही घटना समजल्यावर मृतकचा सासरा पुंडलिक देविदास तळोकार यांनी तामगाव पोलिसात फिर्याद दिली. याप्रकरणी कलम १७४ दाखल करण्यात आला. पोलिसांनी घटनास्थळाचा पंचनामा केल्यावर प्रेताची उत्तरीय तपासणी करण्यात आली. सदर विवाहितेची आत्महत्या प्रकरणी माहेरच्यांकडून सासरच्या लोकांविरुध्द फिर्याद देणे सुरु होते. यामुळे तणाव निर्माण झाल्याने मृतकवर सायंकाळी बोडखा येथे पोलिस बंदोबस्तात अंत्यसंस्कार पार पडला. यावेळी ठाणेदार के.एस. ताठे, दुय्यम ठाणेदार बडगुजर यांचेसह आठ ते दहा पोलीस उपस्थित होते. या घटनेने परिसरात हळहळ व्यक्त होत आहे. मृतक गिता हिला एक मुलगा, एक मुलगी आहे.
{{#config.logo.enabled}}
{{/allowed}}