वसतिगृह प्रवेशही ऑनलाईन

बुलडाणा जिल्ह्यातील १३ वसतिगृहामध्ये ऑनलाईन प्रवेश

बुलडाणा : राज्य शासनाच्या अनुदानीत व शासकिय मुला-मुलींच्या वसतिगृहाची प्रवेश प्रक्रिया यावर्षी पासुन ह्यऑनलाईनह्ण करण्यात आली आहे. राज्यातील कोणत्याही मागासवर्गीय विद्यार्थ्याला कोठल्याही वसतिगृहात आता प्रवेश घेता येईल. शासनाच्या या प्रकियेत जिल्ह्यातील १३वसतिगृहे सहभागी होणार असून विद्यार्थ्यांनाही लाभ घेत येणार आहे. मागासवर्गीय विद्यार्थ्यांना उच्च शिक्षण घेता यावे, त्यांच्या शिक्षणाची सोय व्हावी त्याचप्रमाणे समाजातील आर्थिक दुर्बल घटकातील मुला-मुलींना शिक्षणाचा लाभ मिळावा, यासाठी समाजकल्याण विभागांतर्गत बहुतांश तालुका व जिल्हा मुख्यालयी वसतिगृह सुरूकरण्यात आले. बाबासाहेब आंबेडकर शासकिय मुला-मुलींचे वसतिगृह अशा या वसतिगृहाचे नाव आहे. राज्यभरात मुलांसाठी २११ तर मुलींसाठी १६३ असे एकूण ३७४ वसतिगृह सुरू आहेत. मोफत निवास व भोजन तसेच आंथरून-पांघरून, शालेय साहीत्य आणि वाचनालयाची व्यवस्था असलेल्या या वसतिगृहात राज्यभरातील जवळपास ३२ हजार ८७0 विद्यार्थी आपले शिक्षण पुर्ण करीत आहेत. गुणवत्तेनुसार या वसतिगृहामध्ये विविध जाती घटकातील विद्यार्थ्यांना प्रवेश दिला जातो. याठिकाणी प्रवेश घेण्याकरिता मुला-मुलींना यापूर्वी हेलपाटे घ्यावे लागत होते. परंतु यावषीर्पासून वसतिगृह प्रवेशासाठी ऑनलाईन सुविधा उपलब्ध करण्यात आली आहे. त्यिासाठी समाजकल्याण विभागाने स्वतंत्र वेबसाईट सुरू केली आहे. इयत्ता सातवी ते महाविद्यालयीन विद्यार्थ्यांनी प्रवेश घेताना ऑनलाईन फॉर्म भरून द्यायचा. ही ऑनलाईन प्रक्रिया यावर्षी पासूनच सुरू करण्यात आल्यामुळे विद्यार्थ्याकडून चूका होऊ नये म्हणून संबंधीत अर्जाची कॉपी आवश्यक कागदपत्रासह वसतिगृह अधिक्षकाकडे सादर करावयाची आहे. राज्यातील कुठल्याही विद्यार्थ्याला याचा लाभ व्हावा, यासाठी समाजकल्याण विभागाने हा निर्णय घेतला आहे. समाजकल्याण विभागाच्या संकेतस्थळावर याविषयी संपूर्ण माहिती देण्यात आली आहे. या सुविधांचा लाभ घेण्याचे आवाहन समाजकल्याण विभागाने केले आहे.