मौनी अमावास्या २०२६: मौनी अमावस्येचे वेगळेपण काय? कोणते उपाय करावे? कोणत्या चुका टाळाव्यात?

Mauni Amavasya 2026: यंदा १८ जानेवारीला मौनी तसेच पौष अमावस्या आहे, या तिथीचे महत्त्व काय आणि कोणते उपाय ठरतात लाभदायी ते जाणून घेऊ.

आपल्या धावपळीच्या आयुष्यात शब्दांचा गोंधळ खूप असतो, पण या गोंधळाच्या पलीकडे जाऊन 'शून्यात' उतरण्याची संधी म्हणजे मौनी अमावस्या. १८ जानेवारी रोजी येणाऱ्या मौनी अमावास्येला(Mauni Amavasya 2026) केवळ शांत राहणे नव्हे, तर विचारांची शुद्धता जपून ईश्वराशी एकरूप होण्याचे विशेष महत्त्व आहे.

मकर संक्रांती २०२६ Marathi Ukhane: नव्या नवरीची पहिली संक्रांत? 'हे' घ्या सोपे उखाणे, जे सगळ्यांचे मन जिंकून घेतील

मौनी अमावस्येचे आध्यात्मिक महत्त्व

शास्त्रात मौनी अमावस्येला मौन पाळण्याचा नियम सांगितला आहे. 'मौन' हे केवळ शब्दांचे नसून ते मनाचेही असावे. ज्याप्रमाणे आकाशात चंद्राच्या अनुपस्थितीमुळे काळोख असतो, तसाच आपल्या मनातील विचारांचा अंधार दूर करण्यासाठी शांत राहणे हे एक शाश्वत साधन आहे. ऋषी-मुनींनी मौनाला आध्यात्मिक शिखरावर पोहोचण्याचा मार्ग मानले आहे.

 पवित्र स्नान आणि दान

असे मानले जाते की मौनी अमावस्येला गंगा स्नान केल्याने सर्व पापे नष्ट होतात आणि अश्वमेध यज्ञाप्रमाणे पुण्य मिळते.

• नद्यांचे स्मरण: जर तुम्हाला पवित्र नदीवर जाणे शक्य नसेल, तर घरी स्नान करताना गंगा, यमुना, सरस्वती या नद्यांचे स्मरण करावे.

• सूर्य अर्घ्य: सकाळी सूर्याला अर्घ्य दिल्याने आयुष्यात तेज, ऊर्जा आणि सकारात्मकता येते.

Tarot Card: 'कुछ खट्टा, कुछ मीठा' याची अनुभूती देणारा आठवडा; निवडा एक कार्ड, वाचा साप्ताहिक भविष्य!

भगवान विष्णू आणि महादेवांची उपासना

या दिवशी भगवान श्री हरी विष्णू आणि भगवान शिव या दोघांचीही पूजा करण्याची परंपरा आहे. ओठांनी मंत्र पठण करण्यापेक्षा शांतपणे मनातल्या मनात 'मणी' फिरवत (मानसिक जप) केलेला जप अनेक पटीने जास्त फळ देतो.

मौन पाळणे शक्य नसेल तर काय करावे? 

अनेकदा दिवसभर मौन पाळणे शक्य नसते, अशा वेळी खालील गोष्टी कराव्यात:

१. दीड तासाचे मौन: सकाळी स्नान करण्यापूर्वी किमान दीड तास शांत राहावे.

२. वाणीवर ताबा: जर पूर्ण शांत राहता येत नसेल, तर किमान कडू किंवा वाईट बोलणे टाळावे.

३. गोड पदार्थ: ज्यांना उपवास किंवा मौन शक्य नाही, त्यांनी या दिवशी गोड पदार्थांचे सेवन टाळावे.

४. विचार शुद्धता: मनात कोणाबद्दलही द्वेष किंवा वाईट विचार येऊ देऊ नयेत.

Palmistry: ज्यांच्या तळहातावर 'X' ही खूण असते, त्यांना आधीच कळतात भविष्यातील घटना!

पितृ दोषातून मुक्ती आणि आशीर्वाद

पितरांच्या शांतीसाठी ही अमावस्या विशेष फलदायी आहे. या दिवशी पितरांची प्रार्थना केल्याने त्यांना मोक्ष प्राप्त होतो आणि त्यांचे आशीर्वाद संपूर्ण कुटुंबाला लाभतात.