कडा : गेल्या १० वर्षांपासून पोलिसांच्या हातावर तुरी देऊन फरार असलेल्या शिवसेना शिंदे गटाच्या अहिल्यानगर जिल्हाध्यक्षाला अंभोरा पोलिसांनी बेड्या ठोकल्या आहेत. बाबू सुब्रमण्यम कांबळत असे या नेत्याचे नाव असून, २०१६ मध्ये एका पवन ऊर्जा प्रकल्पावरील मजुरावर प्राणघातक हल्ला केल्याच्या गुन्ह्यात तो मुख्य आरोपी होता. या अटकेमुळे राजकीय आणि गुन्हेगारी वर्तुळात मोठी खळबळ उडाली आहे.
आष्टी तालुक्यातील सावरगाव (मायंबा) येथील पवन ऊर्जा प्रकल्पावर काम करणारे मजूर अनिल प्रभाकर म्हस्के यांच्या पगारावरून २०१६ मध्ये वाद झाला होता. या वादातून बाबू कांबळत याच्यासह १२ जणांच्या टोळीने म्हस्के यांच्यावर जीवघेणा हल्ला केला होता. या हल्ल्यात म्हस्के गंभीर जखमी झाले होते. अंभोरा पोलीस ठाण्यात याप्रकरणी १२ जणांविरुद्ध खुनाचा प्रयत्न केल्याचा गुन्हा दाखल झाला होता. मंगळवारी अंभोरा पोलिसांनी सापळा रचून कांबळतला अटक केली. त्याला आष्टी न्यायालयात हजर केले असता, न्यायालयाने त्याची गुन्ह्यातील पार्श्वभूमी विचारात घेऊन दोन दिवसांची पोलीस कोठडी सुनावली आहे. या कारवाईमुळे फरार गुन्हेगारांमध्ये धडकी भरली आहे.
११ जणांची झाली होती सुटका
या प्रकरणातील इतर ११ आरोपींना पोलिसांनी यापूर्वीच अटक केली होती. मात्र, पुराव्याअभावी न्यायालयाकडून त्यांची निर्दोष मुक्तता झाली होती. परंतु, बाबू कांबळत हा गुन्हा घडल्यापासून पोलिसांना गुंगारा देत होता. फरार असूनही त्याची राजकीय कारकीर्द सुरूच होती आणि तो शिवसेना शिंदे गटाचा अहिल्यानगर जिल्हाध्यक्ष म्हणून कार्यरत होता.
Web Summary : Shiv Sena (Shinde faction) Ahmednagar district head Babu Kambalat arrested after a decade on the run. He was the main accused in a 2016 assault case on a worker at a wind energy project. Despite being a fugitive, he continued his political career.
Web Summary : शिवसेना (शिंदे गुट) के अहमदनगर जिलाध्यक्ष बाबू कांबळत दस साल बाद गिरफ्तार। वह 2016 में पवन ऊर्जा परियोजना में एक कार्यकर्ता पर हमले के मुख्य आरोपी थे। फरार होने के बावजूद, उन्होंने अपना राजनीतिक करियर जारी रखा।