पद्मविभूषण शरदचंद्रजी पवार वैद्यकीय सहाय्यता कक्ष स्थापन - A

सदरील कक्षाच्या माध्यमातून रुग्णांना बेड मिळवून देणे, रुग्णवाहिका, प्लाझ्मा, अवाजवी बिलासंदर्भात तक्रारींचे निवारण, महात्मा फुले जनआरोग्य योजनेचा लाभ मिळवून देणे, पंतप्रधान जनआरोग्य योजनेचा रुग्णांना लाभ मिळवून देणे, आदी कामे सदरील कक्षामार्फत करण्यात येणार आहेत, रुग्णांच्या मदतीसाठी राज्यात जिल्हापातळीवर व तालुकापातळीवर प्रतिनिधी नेमण्यात येणार आहेत. पहिल्या टप्प्यात कक्षाचे काम उस्मानाबाद, जालना, पुणे, सांगली, बीड, नाशिक या जिल्ह्यांत प्रायोगिक तत्त्वावर करण्यात येणार आहे, रुग्णांना सहकार्य व मार्गदर्शन कक्षाद्वारे मदत करण्यात येणार आहे, रुग्णांच्या तक्रारी व अडचणींचे निवारण करण्यासाठी राज्यस्तरीय साहाय्यता कक्ष बनविण्यात येणार आहे, सदरील कक्षाचे काम जितेंद्र आव्हाड, आमदार रोहित पवार, राष्ट्रवादी काँग्रेस पार्टीचे डॉ. प्रतापसिंह पाटील यांच्या मार्गदर्शनाखाली करण्यात येणार असल्याची माहिती अंगद माने यांनी दिली आहे.